Mádenıet jáne sport mınıstrligi janyndaǵy Respýblıkalyq onomastıka komısıasy jalpy sany 606 usynysty qaraǵan.
Ótken jyly 68 eldi meken men 572 quramdas bóliktiń ataýy ózgertildi. Máselen, Aqmola oblysy boıynsha Iýjnaıa kóshesi Sábıt Muqanov, Býdennyı kóshesi Baýyrjan Momyshuly, Lenın kóshesi Abylaı han esimderimen qaıta ataldy, dep habarlaıdy Almaty-akshamy.kz.
Mádenıet jáne sport mınıstrligi Mádenıet komıtetiniń aqparaty boıynsha 2022 jyly Respýblıkalyq onomastıka komısıasy 606 usynysty qaraǵan.
«Budan bólek, byltyr Memleket basshysynyń Joldaýynda kóterilgen elimizdiń ákimshilik-aýmaqtyq qurylymyn jetildirý boıynsha berilgen tapsyrmasyn oryndaý maqsatynda jańadan qurylǵan úsh oblysqa Abaı, Jetisý, Ulytaý ataýlary berildi. Al Qapshaǵaı qalasy – Qonaev qalasy bolyp qaıta ataldy. Aıta ketý kerek, oblys ataýlary tek memlekettik tilde bekitildi. Mysaly, Abaı oblysy - oblastAbaı, Ulytaý oblysy - oblastUlytaý, Jetisý oblysy - oblastJetisý. Sondaı-aq Ahmet Baıtursynulynyń 150 jyldyq mereıtoıyna oraı Qostanaı halyqaralyq áýejaıyna ult ustazynyń esimi berildi», – dedi Mádenıet jáne sport mınıstrligi Onomastıka basqarmasynyń basshysy Elerke Tórehan.