Turmystyq zorlyq-zombylyq profılaktıkasy – elimizdiń otbasylyq-demografıalyq saıasatynyń ózekti máselesi.
Qazaqstanda jylyna polısıaǵa turmystyq zorlyq-zombylyq týraly 100-ge jýyq ótinish kelip túsedi, dep habarlaıdy Almaty-akshamy.kz.
Turmystyq zorlyq-zombylyq profılaktıkasy – elimizdiń otbasylyq-demografıalyq saıasatynyń ózekti máselesi. Zorlyq-zombylyqtyń ósýi qoǵam men jeke adamnyń qaýipsizdigine tikeleı áser etedi.
«Bul salada problemalar bar ekenin moıyndaýymyz kerek. Qazir qoǵam ózgerdi. Zorlyq-zombylyq qurbandary mundaı faktilerdi ashyq aıtatyn boldy. Nátıjesinde sońǵy bes jylda mundaı faktiler boıynsha ótinishter sany 3 esege ósti. Sonymen birge, olardyń 60%-y boıynsha polısıa jábirlenýshilerdiń ótinish berýden bas tartýyna baılanysty shara qoldana almady. Onsyz qoldanystaǵy zańnamaǵa sáıkes, polısıa qyzmetkeri “úı tırandaryn” jaýapqa tarta almaıdy. Nátıjesinde jazasyzdyq júgensizdikke ákelip soǵady. Qol jumsaý ádetke aınaldy desek te bolady. Demek, odan da aýyr zardaptar týyp, saldarynan otbasy-turmystyq salada aýyr qylmystar oryn alyp jatyr. Mysaly, bıylǵy jyldyń ózinde turmystyq janjalda 18 kisi óltirý jasaldy», – dep habarlady QR İİM ÁPK-niń erekshe tapsyrmalar jónindegi aǵa ınspektory Aqmaral Serikbaeva.