QR Ulttyq mýzeıiniń eks-dırektory Arystanbek Muhamedıulyn qamaýda ustaý merzimi 2 aıǵa uzartyldy, dep habarlaıdy Almaty-akshamy.kz.
«13 aqpanda Astana qalasynyń mamandandyrylǵan aýdanaralyq tergeý soty kúdikti A. Muhamedıulynyń qamaýda bolý merzimin 2 aıǵa uzartty», - dep málimdedi elordanyń mamandandyrylǵan aýdanaralyq tergeý soty.
Eske salsaq, 2022 jylǵy 29 mamyrda Arystanbek Muhamedıuly búdjet qarajatyn jymqyrdy degen kúdikpen qamaýǵa alyndy.
Antıkor ulttyq mýzeıdiń burynǵy basshysyna «Altyn adamnyń álem mýzeılerine sherýi» halyqaralyq kórmesin ótkizý jónindegi memlekettik satyp alý týraly shart aıasynda 146 mıllıon teńge somasynda búdjet qarajatyn jymqyrdy degen aıyp taqty.
Sonymen qatar, ótken aıda A.Muhamedıulynyń isine qatysy bar degen kúdikpen «QR Ulttyq murajaıy» RMQK dırektorynyń burynǵy orynbasary A.Sh.Nurazhan ustaldy.
Antıkor málimetinshe, eks-orynbasary A.Muhamedıulymen jáne basqalarmen sóz baılasyp, «Álem murajaılary boıynsha Altyn adamnyń sherýi» halyqaralyq kórmesiniń jobasyn iske asyrý kezinde 221 mıllıon teńge somasynda senip tapsyrylǵan búdjet qarajatyn urlaýǵa qatysqan.