Barlyǵy 500 tekserý júrgizildi.
Óńirlik komýnıkasıalar qyzmetiniń esep berý brıfıńine Qazaqstan Respýblıkasy Saýda jáne ıntegrasıa mınıstrligi Tehnıkalyq retteý jáne metrologıa komıtetiniń Almaty qalasy boıynsha departamentiniń basshysy Saýyqbek Qapaev qatysty, dep habarlaıdy Almaty-akshamy.kz
Ol 2022 jylǵa arnalǵan negizgi is-sharalardyń qorytyndysyn jarıalady.
Departamenttiń basty mindetteriniń biri: memlekettik saıasatty iske asyrý jáne tehnıkalyq retteý, sáıkestikti baǵalaý salasynda ólshem birligin qamtamasyz etý jáne akredıtteý salalarynda, sondaı-aq asyl tastardy, zergerlik buıymdardy jáne baǵaly metaldar men asyl tastardan jasalǵan basqa da buıymdardy satý kezinde memlekettik baqylaýdy júzege asyrý bolyp tabylatynyn atap ótken jón.
2022 jyldyń 12 aıynyń qorytyndysy boıynsha, QR SIM Tehnıkalyq retteý jáne metrologıa komıtetiniń Almaty qalasy boıynsha departamenti (budan ári – Departament) barlyǵy 500 tekserý júrgizdi, onyń ishinde 39 – sýbektige (obektige) barýmen profılaktıkalyq baqylaý jáne qadaǵalaý, 415 – sýbektige (obektige) barmaı-aq profılaktıkalyq baqylaý jáne qadaǵalaý, 46 – jospardan tys tekserýler.
Júrgizilgen 427 tekserýde Qazaqstan Respýblıkasynyń Tehnıkalyq retteý, akredıtteý jáne ólshem birligin qamtamasyz etý salasyndaǵy zańnamasyn buzý faktileri anyqtaldy, bul júrgizilgen tekserýlerdiń jalpy sanynyń 85% qurady
«Profılaktıkalyq baqylaý júrgizý barysynda ónimdi ótkizý satysynda tehnıkalyq retteý salasyndaǵy zańnamany buzýshylyqtar anyqtaldy. Atap aıtqanda, keıbir kásipkerlik sýbektileri tehnıkalyq reglamentterdiń talaptaryna sáıkes kelmeıtin ónimderdi (lak-boıaý materıaldary, TNP, ónerkásiptik taýarlar, avtokólik quraldary, munaı ónimderi, Motor maılary, mobıldi qurylǵylar jáne t.b.) satýdy júrgizdi. Negizgi jáne jıi kezdesetin buzýshylyqtar: ónimdi tańbalaý jónindegi talaptardy saqtamaý bóliginde, memlekettik jáne orys tilderinde aqparattyń bolmaýy, EAS belgisiniń bolmaýy, sondaı-aq sáıkestikti baǵalaý týraly qujattarsyz (sáıkestik sertıfıkattary, sáıkestik týraly deklarasıalar) sáıkestikti rastaýǵa jatatyn ónimderdi ótkizý bolyp tabylady. (Sýlpak saýda úıi «Arena S» JSHS, Tehnodom, Mechta, «Kompas» JJQB «Novaıa AZS» JSHS, «DIN» JSHS, «Komfort» JSHS, «STıK» JSHS, «Kaztranskargo» JSHS, «Arımaks» JSHS jáne t.b», - dep atap ótti S.Qapaev.
Sondaı-aq, jyl ishinde Departamenttiń atyna ónimniń TR jáne NQA talaptaryna sáıkestigine qatysty kóptegen hattar men ótinishter kelip túsedi. Mysaly, «Qazaqstan avtohımıasyn óndirýshiler men tutynýshylar Qaýymdastyǵy» ZTB ótinishteri boıynsha tehnıkalyq reglamentterde jáne normatıvtik quqyqtyq aktilerde belgilengen talaptarǵa sáıkes kelmeıtin kólik quraldary úshin salqyndatqysh suıyqtyqtardy aınalymǵa shyǵarǵany úshin QR ÁQBtK-niń 415-baby boıynsha 7 ákimshilik is qozǵaldy. Aıta ketý kerek, negizinen akkredıttelgen synaq zerthanalarynyń naqty alynǵan derekterimen qaptamada kórsetilgen muzdatý temperatýrasynyń bóliginde sáıkessizdik anyqtalǵan. Qaraý nátıjeleri boıynsha jalpy somasy 3 248 310,5 teńgege ákimshilik aıyppuldar salyndy.
Ýákiletti organnyń qatynastarynda taýarlardyń shyǵý tegi týraly sertıfıkattar bergeni úshin 2 jospardan tys tekserý júrgizildi, sondaı-aq Departamenttiń Ákimshilik quqyq buzýshylyqtary týraly qozǵalǵan materıaldar negizinde Almaty qalasynyń mamandandyrylǵan aýdanaralyq ákimshilik sotynyń taýardyń shyǵý tegi týraly sertıfıkat alý úshin saraptama aktilerin berý tártibin buzǵany úshin taýardyń shyqqan elin aıqyndaý boıynsha 7 sarapshy-aýdıtorǵa jalpy somasy – 165 402 teńge (oryndaldy) ákimshilik aıyppuldar salyndy, 6 aı merzimge sarapshy-aýdıtorlardyń atestattaryn toqtata turýmen jáne zańdy tulǵaǵa 1 aı merzimge qyzmetin toqtata tura otyryp, 91 890 teńge (oryndaldy) mólsherinde ákimshilik aıyppul salyndy.
2022 jyldyń 12 aıynda baqylaý sýbektilisine barý arqyly profılaktıkalyq baqylaý júrgizildi, sondaı-aq Almaty qalasynyń prokýratýrasymen jáne Almaty garnızonynyń áskerı prokýratýrasymen jospardan tys jáne birlesken tekserýler júrgizildi, ólshem birligin qamtamasyz etý salasyndaǵy QR zańnamasynyń talaptaryn saqtaý mánine barlyǵy 39 sýbekt tekserildi. Onyń qorytyndysy boıynsha 22 jaǵdaıda QR «Ólshem birligin qamtamasyz etý týraly» zańyn buzýshylyqtar anyqtaldy.
Tekserilgen 30047 ólshem quraldarynyń 717 birligi belgilengen tártippen kezekti salystyryp-tekserýden ótpegen (medısınalyq mekemeler, áskerı bólimder, saýda núkteleri, áleýmettik qorǵaý obektileri, halyqaralyq áýejaı, avtojanarmaı quıý stansıalary jáne t. b.) qoldanýǵa jaramsyz dep tanyldy. Mysaly: Keıbir medısınalyq mekemelerde elektrokardıograftar, tarazylar, qan qysymyn ólsheıtin quraldar, últradybystyq apparattar, tósek janyndaǵy monıtorlar, mehanıkalyq jeldetý apparattary, defıbrılátorlar jáne t. b. sıaqty quraldar salystyryp-tekserý ýaqyty ótip ketkennen keıin paıdalanyldy, sondaı-aq, janarmaı quıý stansıalarynda aqaýly otyn taratý kolonkalaryn qoldaný faktileri anyqtaldy, bul ár 20 lıtrge 170-ten 250 ml-ge deıin janarmaı quımaýǵa ákeldi. Taǵy bir mysal, sút ónimderin iri satýshynyń bir saýda núktesinde taýardy belgilengen tártippen salystyryp-tekserilmegen tarazylarda ólshep-oraý jáne satý faktileri anyqtaldy, bul tutynýshylardyń ónim salmaǵyna aldaýyna ákeldi. Satýshyǵa 1600 AEK mólsherinde ákimshilik aıyppul salyndy, bul 4 900 000 teńgeni quraıdy.
Joǵaryda kórsetilgen buzýshylyqtar úshin «Ákimshilik quqyq buzýshylyq týraly» Qazaqstan Respýblıkasy Kodeksiniń 419-baby 1-tarmaǵynyń 2-tarmaqshasyna sáıkes, 6 zańdy jáne jeke tulǵaǵa qatysty ákimshilik quqyq buzýshylyq týraly hattamalar jasaldy. Osy 6 laýazymdy tulǵalar qysqartylǵan túrde aıyppul somasynyń 50% - jalpy somasy 6 048 225 teńge tóledi. Tekserý nátıjeleri boıynsha anyqtalǵan buzýshylyqtardy joıý týraly nusqamalar men usynymdar berildi. Nátıjesinde kásipkerlik sýbektileri tarapynan anyqtalǵan buzýshylyqtardy joıý týraly rastaıtyn materıaldardy usyna otyryp, buzýshylyqtar tolyq kólemde joıyldy.