«Otbasy bank» AQ ulttyq damý ınstıtýtyna aınalady.
Bul týraly «Báıterek» holdıńi basqarma tóraǵasy Aıdar Áriphanov málimdedi, dep habarlaıdy Almaty-akshamy.kz
Holdıń basshysy turǵyn úı saıasatyn reformalaý týraly zań jobasy aıasynda «Otbasy bank» bazasynda Turǵyn úımen qamtamasyz etý ortalyǵy qurylatynyn málimdedi.
«Turǵyn úı ortalyǵynyń bazasy jeke tulǵalardyń memlekettik derekter bazasymen biriktiriletin bolady. Sonymen qatar, ekinshi deńgeıli bank mártebesin ulttyq damý ınstıtýty mártebesi bar bankke ózgertý josparlanyp otyr», - dedi Aıdar Áriphanov.
Onyń aıtýynsha, sondaı-aq «Otbasy bank» oblys ákimderimen birlesip bank quraldary aıasynda damý áleýeti tómen monoqalalardyń turǵyndary úshin bastapqy jarnasy 10 paıyz, syıaqy mólsherlemesi 2-5 paıyz bolatyn jeńildetilgen ıpoteka baǵdarlamasyn ázirleıdi. Ónimdi qurýdyń josparlanǵan ýaqyty - 2022 jyldyń İ toqsany.
Sondaı-aq, turǵyn úı qurylys jınaq júıesi baǵyty boıynsha búgingi tańda 2021 jyly halyqqa jalpy somasy 1,1 trıllıon teńgege 73 myń jeńildetilgen nesıe berilip, onyń ishinde «Nurly jer» memlekettik baǵdarlamasy sheńberinde 150 mıllıard teńge somasyna 13,6 myń qaryz berilgen.