Búgin "Naýryz" baǵdarlamasyna qatysýshylardyń tolyq tizimi Otbasy bankiniń resmı saıtynda jarıalandy, dep habarlaıdy almaty-akshamy.kz.
Tizimge engen 12 500 adamnyń 7 151 otbasyly qazaqstandyqtar, 9 100 kámeletke tolmaǵan balalardy tárbıelep otyrǵan januıalar. Qatysýshylardyń shamamen 47% turǵyn úı kezeginde turǵandar, olardyń jartysy halyqtyń áleýmettik osal sanatyna jatady.
«Naýryz» baǵdarlamasyna qatysýshylar 15 shildeden 14 qyrkúıekke deıingi ýaqyt aralyǵynda Otbasy bankine kredıttik ótinim berýge tıis. Eger baǵdarlamaǵa qatysýshy zaem boıynsha oń maquldaý alsa, onda jeltoqsannyń ortasyna deıin baspana taýyp, ony satyp alýǵa ýaqyty bolady, – delingen Bank habarlamasynda.
Ótinish berýshiler men jańa turǵyn úı baǵdarlamasyna qatysýshylardyń tolyq tizimi Otbasy bankiniń resmı saıtynda jarıalanǵan.
Upaılar qalaı esepteledi?
- salym boıynsha syıaqy mólsheri – árbir 1 000 teńge úshin 1 upaı;
- tirkelgen nekeniń bolýy – 5 upaı;
- balalardyń bolýy – 10 upaı (balalar sanyna qaramastan);
- halyqtyń áleýmettik osal toptary (HÁOT) mártebesiniń bolýy – 10 upaı;
- 35 jasqa deıingi jas (qosa alǵanda) – 5 upaı.
«Naýryz» baǵdarlamasynyń sharttary:
- alǵashqy jarna – 20%-dan bastap;
- turǵyn úı kezeginde turǵan azamattardyń áleýmettik osal sanattary úshin nesıe boıynsha mólsherleme – 7% (JTSM 7,3%-dan 8,9% deıin);
- azamattardyń barlyq sanattary úshin nesıe boıynsha mólsherleme – 9% (JTSM 9,3%-dan 11,8% deıin);
- nesıe merzimi – 19 jylǵa deıin.
«Naýryz» baǵdarlamasy aıasynda turǵyn úı satyp alý boıynsha kelesi sharttar usynylady:
- alǵashqy naryqtaǵy turǵyn úı, onyń ishinde QTK kepildigimen úlestik qatysý sharty jáne saqtandyrý quraly boıynsha;
- monoqalalar men aýyldyq eldimekenderde ekinshi naryqtaǵy turǵyn úı, jylyna bólingen qarajattyń jalpy kóleminiń 30%-nan aspaıtyn kólemde.
Zaemnyń eń joǵarǵy mólsheri:
- Almaty men Astana qalalary úshin – 36 mln teńgege deıin.
- qalǵan óńirler úshin – 30 mln teńgege deıin.
Baǵdarlamaǵa qatysýshy bastapqy turǵyn úıdi Baspana market portalynan tańdap, brondaı alady. Bul qyzmet jańa turǵyn úı baǵdarlamasynyń bastalýy aıasynda turǵyn úı baǵasynyń jasandy ósýine jol bermeýge arnalǵan.
Qazir bank Baspana market portalynda «Otaý» baǵdarlamasyna qatysýshylar úshin de, «Naýryz» baǵdarlamasyna qatysýshylar úshin de turǵyn úı nysandaryn belsendi ornalastyryp jatyr. Qazir tańdaýǵa 13 789 páterden turatyn 480 turǵyn úı kesheni usynylǵan. Bul tizim kún saıyn tolyqtyrylyp jatyr.