«Tokıo-2020 Paralımpıada» oıyndarynda el namysyn 26 sportshy qorǵaıdy
Paralımpıadada el quramasy 7 sport túri boıynsha baq synaıdy, dep habarlaıdy Almaty-akshamy.kz 24.kz. silteme jasap.
Tórt kúnnen keıin bastalatyn jarysqa sportshylarymyz jolǵa shyqty.
XVI jazǵy Paralımpıada oıyndary 24 tamyz-5 qyrkúıek aralyǵynda ótedi. Qazaqstan tarapynan: Sıazbek Dálıev, Nurálı Sovetkanov, Zulfıa Ǵabıdýlına, Roman Agalakov, Álıa Rahymbekova, Nurdáýlet Jumaǵalı, Erjan Sálimgereev (para júzý), Dastan Muqashbekov, Saltanat Ábilhasymqyzy (para jeńil atletıka), Amanjol Janbota, Zarına Baıbatına, Dáýlet Temirjan, Daıana Fedosova, Anýar Sarıev, Ǵalymjan Smaǵululy (para dzúdo), Spataı Bıbarys (para kanoe), Nurlan Dombaev, Nyshan Ómiráli, Dosmalova Kámılá (para taekvondo), Davıd Degterev, Raýshan Qoıshybaeva, Hamaev Rahmedjan, Abdyhalykova Gúlbaný, Solodýhına Alına (para paýerlıftıng) ı Djýmabaeva Aısýlý (para nysana atý) qatysady. Oǵan qosa Halyqaralyq paralımpıada komıtetiniń (HPK) sheshimimen qazaqstandyq para dzúdoshy Erlan Ýtepovke (100 kg) Paralımpıada oıyndaryna qosymsha joldama berildi. Erlan Ýtepov – para dzúdodan halyqaralyq dárejedegi sport sheberi, Azıa jáne Okeanıa chempıonatynyń jeńimpazy 2019.
«Tokıo-2020 Paralımpıada oıyndaryna 7 sport túrinen 26 sportshymyz qatysady. Tokıo aldynda atletter eki aptalyq karantınde bolyp, sońǵy jattyǵý jıyndaryn Almaty qalasy men Almaty oblysynda ótkizdi. Oıyn qarsańyndaǵy sońǵy kúnderdi sportshylar oqshaýlaný rejıminde ótkizip, syrtqy álemmen baılanysqa túsken joq. Osy rejımdi saqtap Tokıo oıyndaryna qaýipsiz jetýge úlken kómek kórsetken «Eır Astana» kompanıasyna úlken rızashylyǵymyzdy bildiremiz», – dedi Erlan Sýleımenov Ulttyq Paralımpıada komıtetiniń bas hatshysy.