Almatydaǵy «Weekend Vibes», «Vostochnyı dvor», «Chechil Pub» kafeleri jáne «JAM» bary karantın talaptaryn oryndamaı jumys istegen.
Almatyda eki kún ishinde meıramhana, kafe, bar, sulýlyq salony, kompúterlik klýbtar men dúkenderdiń 25 ıesine aıyppul salyndy. Megapolıste monıtorıńtik toptardyń karantındik tekserýleri jalǵasýda. Mysaly, 16 jáne 17 tamyzda Bostandyq pen Áýezov aýdandaryndaǵy eki mekeme karantın talaptaryn buzǵan, dep habarlaıdy almaty-akshamy.kz
Tártip saqshylarynyń málimetteri boıynsha, 16 tamyzdan 17 tamyzǵa qaraǵan túni belgilengen shekteýlerdiń 13 zań buzýshylyǵy anyqtaldy. Quqyq buzýshylardyń qatarynda Bostandyq aýdanyndaǵy «Weekend Vibes» kafesi bar, onda shamamen 22.50 saǵatta, ıaǵnı karantın kezinde ruqsat etilgen jumys ýaqytynan keıin kafede 40 adam bolǵan.
Shamamen osy ýaqytta tekserýshiler «Vostochnyı dvor» kafesinde de zań buzýshylyqty tirkedi, onda 40-qa jýyq adam boldy. Kelesi kúni tekserýler jalǵasyp, 17 tamyzda Bostandyq aýdanynda shamamen 23.28 saǵatta «JAM» barynda jumys rejıminiń buzylýy tirkeldi. Tekserýshilerdiń mobıldi toby kelgende bar ishinde 40-qa jýyq adam bolǵan. Sol kúni keshki saǵat 22.43 shamasynda shaǵynaýdanda «Chechil Pub» kafesi karantın talaptaryn buzyp 50 adamǵa qyzmet kórsetken.
Almaty qalasynyń bas sanıtarlyq dárigeriniń talaptaryn oryndamaǵany úshin bul mekemelerdiń ıeleri ákimshilik jaýapkershilikke tartylady.
Epıdemıologtardyń aıtýynsha, jasyryn keshterde, jabyq jerlerde ýaqyt ótkizý arqyly qala turǵyndary ózderine jáne aınalasyndaǵylarǵa qaýip tóndiredi. Aıta keterligi, mekemelerde mundaı zańsyzdyqtarǵa der kezinde toıtarys beriledi. Mysaly, ótken aptada monıtorıńtik toptar 1000-ǵa jýyq nysandy tekserip, 124 buzýshylyqty anyqtady.
Eske salsaq, Almatyda qoıý qyzyl aımaqqa shekteý sharalary 1 qyrkúıekke deıin uzartyldy. Sonymen qatar, qala qoǵamdyq kólikterde maska rejıminiń saqtalýyn baqylaýdy jalǵastyrýda. Aıdyń basynan beri avtokólik kompanıalarynyń baqylaý toptary myńnan astam avtobýsty tekserip, ondaǵan tártip buzýshylardy anyqtady.
17 tamyzda qoǵamdyq kóliktegi karantındik rejımdi saqtaý boıynsha alańnan tys shara uıymdastyryldy. Almaty qalasynyń qoǵamdyq kólikterinde betperde rejımin saqtamaǵany úshin 105 avtobýsta júrgizilgen tekserý nátıjeleri boıynsha QR ÁQBtK 1-bóliminiń 425-baby boıynsha 17 jolaýshyǵa qatysty ákimshilik hattamalar jasaldy. Inspektorlar avtobýs jolaýshylaryn betperde kıýge kóndiredi, sebebi bul ınfeksıa qaýpin azaıtady. Nazar aýdaryńyz, almatylyq epıdemıologtardyń málimeti boıynsha, qoǵamdyq kólikter ınfeksıanyń negizgi bes jeriniń biri bolyp tabylady jáne 17,6% jaǵdaıdy quraıdy.
Sonymen qatar, qalada «sımptomatıkalyq» naýqastardyń úlesi 94%-ǵa deıin ósti.
Tekserýshiler avtobýs jolaýshylaryna betperde taǵý mindetti ekenin, bul ınfeksıa qaýpin azaıtatynyn túsindirýde. Aıta keterligi, almatylyq epıdemıologtardyń málimeti boıynsha, qoǵamdyq kólikter ınfeksıa juqtyrýdyń negizgi bes ornynyń biri bolyp tabylady jáne juqtyrý munda 17,6%-dy quraıdy.