«Jiger» - jýrnalısik sheberlik salasynda áleýmettik mańyzy bar taqyryptardy jarıalaǵany úshin beriletin kásibı syılyq.
Qazaqstan Respýblıkasy Aqparat jáne qoǵamdyq damý mınıstrligi tanymal qazaqstandyq telejýrnalıst Beısen Quranbek atyndaǵy «Jiger» syılyǵyna ótinimder qabyldaýdyń bastalǵany týraly málimdedi, dep habarlaıdy Almaty-akshamy.kz
Baıqaý «Medıa damytý qory» korporatıvtik qorymen yntymaqtastyqta júrgiziledi.
«Jiger» syılyǵyna ótinimderdi qabyldaý 2021 jyly 20 tamyzdan 20 qyrkúıekke deıin «Medıa damytý qory» korporatıvtik qorynyń mdq.kz resmı saıtynda júzege asyrylady.
Syılyqtyń negizgi maqsaty – talantty jýrnalıs, qoǵam qaıratkeri, Qazaqstan Respýblıkasy Prezıdenti syılyǵynyń laýreaty Beısen Quranbektiń esimin el jadynda óshirmeý, murasyn saqtap qalý.
Konkýrsqa qatysý sharttary:
Konkýrsqa Qazaqstan Respýblıkasynyń Respýblıkalyq jáne oblystyq telebaǵdarlamalary qatysa alady;
Konkýrsqa usynylǵan materıaldar teleefırde 2021 jyldyń 1 qańtary men 19 qyrkúıek aralyǵynda kórsetilýi tıis;
Konkýrsqa qazaq jáne orys tilderindegi jumystar qabyldanady;
Konkýrsqa qoǵam úshin ózekti máselelerdi jáne áleýmettik taqyrypty qozǵaıtyn telebaǵdarlamalar qatysa alady.
Baıqaý jeńimpazdary «Jiger» estelik músinshesiniń, dıplomnyń jáne qarjylaı syılyqtyń ıegeri atanady.
I oryn úshin - 1 000 000 teńge, II oryn úshin - 500 000 teńge jáne III oryn úshin - 300 000 teńge.
Baıqaý qorytyndysy men jeńimpazdar esimderi 2021 jyldyń 27 qyrkúıeginde belgili bolady.