Qazaqstandyq ónimder artyp keledi.
Elimizde otandyq ónimderdi qaıta óńdeý qarqyn alyp barady, dep habarlaıdy Almaty-akshamy.kz.
Qazaqstanda óndiris jandanyp, otandyq ónimderdi qaıta óńdeý qarqyn alyp barady. Saladaǵy ósim jyl basynan 6%-ǵa jýyqtaǵan. Esesine jergilikti taýar túrleriniń eksporttyq áleýeti arta tústi. Jalpy, ózge elder narqymen alys-beris ońalyp, syrtqy saýda-sattyq qaıta qyzǵan. Bul týraly Úkimet otyrysynda Ulttyq ekonomıka mınıstri Áset Erǵalıev naqty sandyq dáıekti derekter keltire otyryp málimdedi.
Ulttyq ekonomıka mınıstri Áset Erǵalıevtiń pikirinshe, otandyq ónimderdi qoldaý artýda kórinedi.
«Qańtar-maýsym aılarynda syrtqy saýda taýar aınalymy 45,3 mlrd dollardy kórsetip, onyń ishinde eksport boıynsha kórsetkish 27 mlrd dollardy qurady. Bul rette óńdelgen taýarlar eksporty 25%, ıaǵnı 8,9 mlrd dollarǵa deıin ósti. Taýarlar ımporty 18,3 mlrd dollardy qurady. Jalpy, saýdanyń balansy 8,7 mlrd dollardy qurap, oń deńgeıinde saqtaldy», - dedi Ulttyq ekonomıka mınıstri Áset Erǵalıev.