Túngi shahardyń kelbeti kózdiń jaýyn alady.
Búgin ásem qala Almatynyń keremet túngi kórinisterin sýretke tarttyq. Kún raıy da salqyn samaldy boldy. Serýen quryp, bir sát demalýǵa sondaı jaqsy aýa raıy áser etti deı alamyz. Negizi, baıqap qarasańyz, qalalyqtar keshqurym serýendegendi jaqsy kóretindeı. Kúni boıy jumystan bas kótermegen halyq kesh túskende úılerine jetedi. Biraz tamaqtanyp, kóshege sergýge shyǵady. Sondaı azamattardyń qatarynda biz de barmyz. Jaı júrmeı, kórikti mekenderdi sýretke túsirip júremiz. Bir jaǵynan, ózimizge jaqsy. Kóńil-kúıiń kóterilip, bir serpilip qalasyz. Jurtpen tildesip, arasynda oıyn-saýyq qurǵan jandardy baıqaısyz. Endi bireýleri rolık teýip, máz-meıram bolyp jatady. Qol ustasqan ǵashyqtar keshtiń kórkine ár beredi. Mine, osylaısha túngi shahardyń kelbetine kóz toımaı qaraı bergińiz keledi.
Bul joly Respýblıka alańy jaǵyn araladym. Sondaǵy tamasha kórinisterdi, ádemi kadrlardy tartýǵa tyrystym. Jarqyraǵan qyzyldy-jasyldy shamdar, qabyrǵalardaǵy boıaýlar - bári sátti jarasym tapqan. Negizi kóbimiz onsha mán bere bermeımiz. Almaty - elimiz boıynsha eń iri megapolıs. Tarıhy da myń jyldyqtarǵa ketedi. Bir jaǵynan, osy qalada ǵumyr keshýdiń ózi bir baqyt dep. Rasynda solaı. Qanshama jandar bul jerge kelip, qydyryp, aspanmen talasqan taýlardy kórýge asyq. Al bizder bolsaq, sol ǵajaıyp pen keremet sulýlyqtyń arasynda júrmiz.
Jaına, jasa, gúl-Almaty!