Bolat MUSAQAJYULY, Almaty qalasy Qazaqstan halqy Assambleıasy Aqsaqaldar keńesi tóraǵasynyń orynbasary:
- Búgin Prezıdent Qasym-Jomart Toqaev Parlament palatalarynyń birlesken otyrysynda «Ádiletti Qazaqstannyń ekonomıkalyq baǵdary» atty Qazaqstan halqyna kezekti Joldaýyn jarıalady.
Osyǵan deıin qabyldanǵan mańyzdy memlekettik baǵdarlamalar men saıası qujattardyń jalǵasy bolyp tabylatyn bul jolǵy Joldaý halyqqa erekshe ekpin berdi degen senimdemin. Mańyzdy qujatta memleketti nyǵaıtý, azamattardyń quqyǵyn qamtamasyz etý, el ekonomıkasyn damytý, otandyq bıznesti qoldaý, halyqty áleýmettik qorǵaý máseleleriniń mańyzdylyǵy aıtyldy.
Elimizdiń jastary – eldiń basty baılyǵy. Prezıdent óz joldaýynda aldaǵy ýaqytta óskeleń urpaqty sapaly bilimmen qamtamasyz etip, barlyq jaǵynan qoldaý kórsetý mańyzdy ekenine toqtaldy. Bul rette "Oqý oryndary túlekterge jumys bere alatyn mekemelermen uzaq merzimge arnalǵan áriptestik ornatýy qajet. Ekonomıkanyń basymdyqtaryna, aımaqtyń jáne salanyń erekshelikterine baılanysty tıimdi qarjylandyrý tásilderi kerek" delingen Joldaýda.
Jalpy Prezıdent Joldaýynyń basym bóligi ekonomıkalyq jáne áleýmettik máselelerge arnalǵan. Árbir joldaý Qazaqstannyń qarqyndy damýy úshin mańyzy zor. Onda elimizdiń damýy úshin jańa múmkindikter qarastyrylǵan.
Bizder Prezıdentimizdiń Joldaýyn qoldap, óz tarapymyzdan jumyla iske kirisetinimizdi basa aıtqym keledi.