Almatydaǵy «The Ritz-Carlton» qonaqúıiniń qyzmetkerler men kelýshiler jarylǵysh zat qoıylǵany týraly málimetke baılanysty evakýasıalandy, dep habarlaıdy almaty-akshamy.kz
Almaty qalalyq Polısıa departamentiniń deregine sáıkes, 3 qyrkúıek, túngi saǵat 23:51-de Bostandyq aýdanynda ornalasqan qonaqúıge jarylǵysh zat qoıylǵany týraly habarlama túsken.
Atalǵan nysanǵa qalanyń jedel qyzmetteri shuǵyl jiberilgen. Qonaqúıdiń qyzmetkerleri men kelýshileri evakýasıalandy. Saper bólimshesi kópqabatty ǵımaratty eki saǵattan artyq tekserdi.
«Tekseris nátıjesinde jarylǵysh zat tabylǵan joq. Qazirgi ýaqytta anonımdi habar bergen adamdy anyqtaý, ony ustaý jáne ary qaraı jaýapqa tartý baǵytynda keshendi jedel sharalar júrip jatyr», - dep habarlady Polısıa departamentiniń baspasóz qyzmetinen.