Atalǵan izdestirý is-sharalaryn qalalyq krımınalısıkalyq jáne ákimshilik polısıa basqarmasy qyzmetkerleri birlesip júrgizip jatyr.
İs-shara maqsaty izdeý jarıalanǵan jáne urlanǵan kólikterdi, sondaı-aq jer asty turaqtaryna gazballon ornatylǵan kólikterdiń kirý faktilerin anyqtaý, dep habarlaıdy Almaty-akshamy.kz.
Polisia.kz-tiń málimetinshe, Almaty qalasynda “Gazballon” atty respýblıkalyq is-sharasy aıaqtaldy. Shara barysynda jer asty turaqtarynda gazballon ornatylǵan kólikter anyqtalǵan.
«Al búginde atalǵan shara qylmystyq ahýalǵa baılanysty ári qaraı ózgertildi. Sebebi, kóbinese urlanǵan nemese izdeý jarıalanǵan kólikterdi jer asty turaqtaryna jasyrý úrdiske aınalǵan. Mysalǵa, is-shara barysynyń alǵashqy táýliginde izdeýde júrgen eki kólik áshkerelendi. Sonymen qatar, gaz balon ornatylǵan kólikterin jer asty turaqtaryna qoıǵan 6 júrgizýshi ákimshilik jaýapkershilikke tartyldy», – dep málimdedi Almaty qalasy polısıa departamenti ákimshilik polısıa basqarmasy bastyǵy Asqat Kúlbaev.
Sondaı-aq, ol atalǵan reıdttik sharalar ótkizý úshin arnaıy mobıldi top qurylǵanyn jetkizdi.