«Ashyq aspan» rejımi Astana, Almaty, Shymkent, Aqtaý, Aqtóbe, Qaraǵandy, Túrkistan, Óskemen, Pavlodar, Kókshetaý, Taraz, Petropavl, Semeı qalalarynyń áýejaılarynda qoldanylady.
Qazaqstan Respýblıkasynyń Kólik mınıstrligi Qazaqstan Respýblıkasy Básekelestikti qorǵaý jáne damytý agenttigimen birlesip, áýe kóliginiń qoljetimdiligi men damýy úshin qazaqstandyq áýetasymaldar naryǵynyń tartymdylyǵyn arttyrý maqsatynda «ashyq aspan» rejımin odan ári jetildirip jatyr, dep habarlaıdy Almaty-akshamy.kz.
Atap aıtqanda, mınıstrlikpen «ashyq aspan» rejımin engizý týraly buıryqqa sheteldik áýekompanıalaryna 5-shi dárejeli «áýe erkindigin» paıdalaný quqyǵyn berý arqyly buryn-sońdy qoldanysta bolǵan shekteýlerdi alyp tastaýǵabaǵyttalǵan ózgerister engizildi.
Osylaısha, sheteldik áýe kompanıalary Qazaqstannyń birqatar áýejaıyna áýe kemeleriniń tıpteri men jıiligine qaramastan, onyń ishinde baǵyttar boıynsha shekteýsiz 5-shi dárejeli «áýe erkindigimen» ushýlardy oryndaý múmkindigine ıe boldy.
Qolǵa alynǵan bul sharalar básekelestikti arttyrýǵa múmkindik berip, óz kezeginde áýebıletteriniń qunyn tómendetýge jáne ushý geografıasyn keńeıtýge yqpal etedi dep kózdelip otyr.