3 jeltoqsanda Qazaqstannyń basym bóligi sıklon yqpalynda bolady, dep habarlaıdy Almaty-akshamy.kz.
«Qazgıdromet» RMK-nyń málimetinshe, sonymen birge, jańbyr men qar túrinde jaýyn-shashyn, kóktaıǵaq, burqasyn kútiledi.
Eldiń ońtústik-shyǵysynda ǵana antısıklonnyń áserinen kún raıy jaýyn-shashynsyz bolady.
Respýblıkanyń barlyq óńirinde tuman, jeldiń kúsheıýi boljanady.
Soltústik Qazaqstan, Pavlodar oblystarynyń – batys, soltústik jáne ońtústik bóliginde, Aqmola oblysynyń – batys, soltústik jáne shyǵys bóliginde, Qaraǵandy oblysynyń kúndiz soltústigi men shyǵysynda, Shyǵys Qazaqstan oblysynyń batys, soltústik jáne ońtústik bóliginde, Abaı oblysynyń kúndiz batys jáne ortalyǵynda daýyldy jel kútiledi. Jyldamdyǵy keı ýaqytta 30 m/s jáne odan joǵary bolady.