Bul týraly QR Premer-Mınıstrdiń orynbasary – Qarjy mınıstri Erulan Jamaýbaevtyń qatysýmen ótken «Qaryzsyz qoǵam» jobasy boıynsha atqarylǵan jumystar jáne aldaǵy josparlardy iske asyrý barysy týraly keńes barysynda aıtyldy, dep habarlaıdy Almaty-akshamy.kz.
«Qujat aıasynda atalǵan jumysqa 9 memlekettik organ, 12 bank, Qazaqstan qarjygerler qaýymdastyǵy jáne mıkroqarjy uıymdary qaýymdastyǵy qosyldy. Qazirdiń ózinde barlyq óńirlerde azamattarǵa konsýltasıalyq kómek kórsetý úshin «Qaryzsyz qoǵam» jobalyq keńseleri quryldy. Jergilikti atqarýshy organdar olardy tehnıkalyq quraldarmen jabdyqtaý sharalaryn qabyldaýy qajet», — Qarjy naryǵyn retteý jáne damytý agenttigi tóraǵasynyń birinshi orynbasary Nurlan Ábdirahmanov baıandady.
Máselen, kelesi jyly elimizdiń barlyq óńirlerinde qarjylyq saýattylyq kýrstary uıymdastyrylyp, 200 myńǵa jýyq adamdy oqytý josparlanyp otyr. Nesıe merzimi 90 kúnnen asyp ketken azamattarǵa basymdyq berilmek. Sonymen qatar, mektepter men joǵary oqý oryndarynda qarjylyq saýattylyq kýrstary ótkizilip, barlyǵy 1 mln. adam qamtylady. Osy maqsatta Ǵylym jáne joǵary bilim mınıstrligi 2024 jyldan bastap arnaıy oqytý kýrsyn engizýdi josparlaýda.
Oqý-aǵartý mınıstrligi «Jahandyq quzyretter» páni aıasynda oqýshylardyń qarjylyq saýattylyǵyn arttyrýdy usynyp otyr. Bul týraly AMANAT partıasynyń hatshysy Eldar Jumaǵazıev aıtty.
«Jahandyq quzyrettilik» oqýlyǵynda baıandaý stıli kúrdeli jáne keı tustary túsiniksiz jazylǵan. Oqýshylardyń jas erekshelikteri men qyzyǵýshylyqtary eskerilmegen. Sonymen qatar, bul tańdaý páni retinde sanalady, al qarjylyq saýattylyq boıynsha álemdik reıtıńte joǵary oryndarǵa ıe elderde bul pán mindetti pánder qatarynda (Fınlándıa, Japonıa). Sondaı-aq, túrli pánder boıynsha qarjy máselesine bólinetin saǵat sany da ár mektepte ártúrli», — dedi E.Jumaǵazıev.
Qorytyndylaı kele, Erulan Jamaýbaev halyq arasynda túsindirý jumystaryn júrgizýdiń mańyzdylyǵyna toqtalyp, Qarjy naryǵyn retteý jáne damytý agenttigine AMANAT partıasymen, múddeli memlekettik organdarmen jáne uıymdarmen birlesip, «Jol kartasy» is-sharalarynyń sapaly oryndalýyn qamtamasyz etýdi tapsyrdy. Jergilikti atqarýshy organdar azamattardy oqytýǵa jaramdy úı-jaılardy bólý, sondaı-aq olardyń tehnıkalyq jabdyqtalýyn qamtamasyz etýi qajet.