Saýda platformasy elimizde óte qarqyndy damýda.
Máselen, platformada 2022 jyldyń 9 aıynda 6 749 qazaqstandyq jetkizýshi tirkelgen. Qazaqstandyq kásipkerlerdiń taýarlaryn satý kólemi 46,2 mlrd teńgeden asty, dep habarlaıdy Almaty-akshamy.kz.
Al Qazaqstan aýmaǵyndaǵy Wildberries-tiń jalpy saýdasy 92,4 mlrd teńgeni quraıdy. Bul Qazaqstandaǵy elektrondyq saýdanyń jalpy kóleminiń 11,4%-yna teń.
Aldaǵy ýaqytta kompanıa basshylyǵy Qazaqstannnyń iri qalalarynda ózderiniń taýar jınaıtyn jáne saqtaıtyn qoımalaryn salýdy josparlap otyr. Bul jóninde keshe Premer-Mınıstrdiń orynbasary – Saýda jáne ıntegrasıa mınıstri Serik Jumanǵarınmen kezdesken Wildberries bas dırektory Tatána Bakalchýk habarlady.
T. Bakalchýktiń aıtýynsha, kompanıanyń Astana jáne Almatymen qatar, Qazaqstannyń basqa óńirlerinde damý boıynsha úlken josparlary bar.
«Biz jelini Qazaqstannyń eń shalǵaı óńirlerinde damytýǵa múddelimiz. Qazir Wildberries-te satýshy kóp ekenin kórip otyrmyz, sonyń ishinde bizdiń saıt arqyly áıelder taýar satyp, tabys tabýda», — dedi ol.