Nysana kózdeýden 5-18 qańtar aralyǵynda Indonezıa astanasy Djakartada ótip jatqan lısenzıalyq Azıa chempıonatynda otandastarymyz 2 joldama jeńip aldy, dep habarlaıdy almaty-akshamy.kz
50 metrlik qashyqtyqtan jyljymaly nysanaǵa vıntovkamen atý saıysynda Aleksandra Le 7-orynǵa turaqtap, Parıj Olımpıadasyna barýǵa múmkindik aldy.
Aıta keteıik, bul baǵdarlamada buǵan deıin 2023 jyly Azıa chempıonatynda Arına Altýhova joldama alǵan edi.
Al 25 metrden jyldam atylatyn tapanshamen synǵa túsken Nıkıta Chırúkın irikteý kezeńinde 584 upaı jınap, fınalǵa ótti. Sonymen qatar jerlesimiz Parıj Olımpıadasynyń da kvotasyn ıelendi.
Osylaısha, ázirshe nysana kózdeýden el qorjynynda Parıj Olımpıadasynyń 5 joldamasy (Islam Satpaev, Arına Altýhova, Konstantın Malınovskıı, Aleksandra Le, Nıkıta Chırúkın) bar.
Aıta keteıik, nysana kózdeýde lısenzıa sportshynyń jeke ózine emes, Ulttyq federasıaǵa beriledi.