Oqý-aǵartý mınıstri Ǵanı Beısembaev pen Mádenıet jáne aqparat mınıstri Aıda Balaeva Almatydaǵy "Dostyq" úıinde balalar basylymdary bas redaktorlarymen jáne balalar ádebıeti jazýshylarymen kezdesý ótkizdi.
Dóńgelek ústelde balalar taqyrybynda qalam terbep júrgen shyǵarmashylyq ıntellıgensıa ókilderi saladaǵy túıtkildi taqyryptardy kóterip, ózderin tolǵandyrǵan máseleler jaıly sóz qozǵady. Atap aıtqanda, balalarǵa arnalǵan gazet-jýrnaldar redaksıasynda qyzmet etkisi keletin jas býyn tilshilerdiń azdyǵyn, zamanaýı talaptarda áńgimeler men ertegiler jazatyn jazýshylar qatarynyń sırep ketkenin jáne basylymdarǵa jazylý máselesin kóterdi. Sondaı-aq, balalarǵa arnalǵan fılmder túsirý, teatrlarda ózekti qoıylymdardy sahnalaý, áleýmettik jelilerde sapaly kontent jasaý jaıly usynystaryn aıtty. Balalar basylymdarynyń basyn biriktiretin qaýymdastyq qurý, osy taqyryptarda jazatyn qalamgerler arasynda jeke baıqaý ótkizý, mektep kitaphanashylarynyń mártebesin belgileý qajettigi de talqylandy.
Jıynǵa qatysqan zıaly qaýym ókilderiniń usynys-tilekterin muqıat tyńdaǵan mınıstrler tıisti sharalar qabyldanatynyn jetkizdi.
Memleket basshysynyń tapsyrmasy boıynsha "Oqýǵa qushtar mektep – oqýǵa qushtar ult" jobasy júzege asyrylýda. "Balalar kitaphanasy" baǵdarlamasyn iske asyrý maqsatynda kitaphananyń jańa modeli qurylyp jatyr. Bıylǵy oqý jylynda 100 kórkem, ǵylymı-tanymdyq kitap oqyǵany úshin belsendi oqyrmandardy kótermeleý, elektrondyq kitaphanalar jáne onlaın-resýrstaryn qurý, gazet-jýrnaldardy oqý mádenıetin arttyrý sharalary qolǵa alyndy. Bul baǵyttaǵy jumystar "Birtutas tárbıe baǵdarlamasy" sheńberinde de eskeriledi. Mektep kitaphanashylarynyń mártebesin, eńbekaqysyn kóterý máselesi kóp uzamaı sheshimin tabýy tıis. Qazirgi ýaqytta tıisti memlekettik organdarmen talqylaý júrgizilýde. Al, balalar basylymdaryna jazylýdy mektep ujymdarymen, ata-analar qaýymdastyǵymen birlese talqylaımyz, dedi Oqý-aǵartý mınıstri Ǵanı Beısembaev.
Jıyn sońynda balalar basylymdary ujymdaryna Oqý-aǵartý mınıstriniń alǵys hattary tapsyrylyp, marapattaldy.