«Otandastar qory» KeAQ aldaǵy ýaqytta SİM-ne qarasty qyzmet atqarady
«Otandastar qory» Aqparat jáne qoǵamdyq damý mınıstrliginen Qazaqstan Syrtqy ister mınıstrligine berildi, dep habarlaıdy Almaty-akshamy.kz
Qazaqstan Respýblıkasy Úkimetiniń 2022 jylǵy 31 qańtardaǵy №36 Qaýlysyna sáıkes, Qazaqstan Respýblıkasynyń zańnamasynda belgilengen tártippen «Otandastar qory» komersıalyq emes aksıonerlik qoǵamynyń 50 paıyz mólsherindegi aksıalarynyń memlekettik paketin ıelený jáne paıdalaný quqyqtary Qazaqstan Respýblıkasynyń Aqparat jáne qoǵamdyq damý mınıstrliginen Qazaqstan Respýblıkasynyń Syrtqy ister mınıstrligine berildi.
Buǵan deıin qoǵam aksıonerleri Syrtqy ister mınıstrligi men Aqparat jáne qoǵamdyq damý mınıstrligi bolǵan.
Aıta keteıik, sheteldegi otandastarymyzǵa jan-jaqty qoldaý kórsetý maqsatynda «Otandastar qoryn» qurý týraly 2017 jyly «Dúnıe júzi qazaqtarynyń V quryltaıynda» Tuńǵysh Prezıdent – Elbasy N.Á. Nazarbaev tapsyrma bergen edi. Qoǵam óz jumysyn 2018 jyldyń kúzinde bastaǵan.
Búginde qoǵamnyń negizgi maqsattarynda sheteldegi qazaq qaýymdastyǵy kóbirek jınalǵan jerlerinde qazaq tili men mádenıetin damytý jáne tarıhı otanymen baılanysyn qoldaý salasyndaǵy is-sharalardy uıymdastyrý arqyly Syrtqy ister mınıstrliginiń sheteldik vedomstvolaryna baǵynysty uıymdar retinde sheteldegi Mádenı-iskerlik úıleri platformasynyń jelisin keńeıýge, sheteldik qazaq jastary jáne Qazaqstannyń bilim berý salasynyń basymdyqtaryna, sheteldegi qazaq qaýymdary jáne Qazaqstannyń ımıjdik tartymdylyǵyn arttyrý ‒ aqparattyq-konsýltasıalyq qamtamasyz etý máselelerine basymdyq jasaý kózdelip otyr.
Sonymen qatar, qandastardy aqparattyq qoldaý ortalyqtarynyń jumysyn jalǵastyra otyra, sheteldegi qazaqtar men elge kelgen aǵaıynnyń ózara is-qımyl salasyndaǵy memlekettik saıasatty taldaý, josparlaý jáne boljaý máseleleri boıynsha derekter bazasyn qalyptastyrý jumystaryn atqarady.