Osy maqsatta zaýyttarmen arnaıy kelissóz júrgizilgen.
Aýyl sharýashylyǵy taýaryn óndirýshiler kóktemgi egis jumystaryn júrgizý barysynda otandyq tyńaıtqyshtarmen tolyq qamtamasyz etiledi, dep habarlaıdy Almaty-akshamy.kz Eldala.kz cilteme jasap.
Aǵymdaǵy jyly mıneraldy tyńaıtqyshtardy engizý kólemi shamamen 695 myń tonnany quraıdy, bul ótken jyldyń kórsetkishinen 70 myń tonnaǵa artyq. Bul týraly QR Aýyl sharýashylyǵy mınıstrligi habarlady.
«Dástúrli túrde satyp alynatyn tyńaıtqyshtardyń 60% 2 túrge - óndirisi Qazaqstanda bar amıak selıtrasy men amofosqa tıesili. Aýyl sharýashylyǵy taýarlaryn óndirýshilerdi atalǵan tyńaıtqyshtarmen qamtamasyz etý maqsatynda otandyq zaýyttardyń basshylyǵymen kelissózder júrgizildi. Olardyń nátıjeleri boıynsha ishki naryqty tolyq qamtamasyz etý boıynsha ýaǵdalastyqtarǵa qol jetkizildi», - dep habarlady vedomstvoda.
Kóktemgi egis jumystaryn júrgizýdiń bastalýymen ASHM oblys ákimdikterimen birlesip apta saıyn mıneraldyq tyńaıtqyshtarmen qamtamasyz etilý monıtorıńin júrgizetin bolady.
Olardyń qunyn sýbsıdıalaý maqsatynda aǵymdaǵy jyly 26,8 mlrd teńge qarastyrylǵany atap ótiledi.
Eske salaıyq: Reseıde 2022 jyldyń 2 aqpanynan 1 sáýirine deıin osy ónimderge suranystyń artýyna baılanysty amıak selıtrasyn eksporttaýǵa tyıym salyndy. Reseı Federasıasynyń Aýyl sharýashylyǵy mınıstrligi ishki naryqta aýylsharýashylyq taýar óndirýshileri men ónerkásiptik kásiporyndar tarapynan amıak selıtrasyna qosymsha qajettilik paıda bolǵanyn habarlady. Atap aıtqanda, Ońtústik jáne Soltústik Kavkaz federaldy okrýgteriniń birneshe aımaqtarynda jyly qystyń saldarynan kóktemgi egis birneshe aptaǵa aýysyp, aqpan aıynda bastalady.
Sonymen qatar, Qazaqstanda amıak selıtrasy óndirisi ósýde. Ótken jyly "QazAzot " kompanıasy óndiristi 17%-ǵa ulǵaıtty. 2021 jylǵy 12 aıda amıak selıtrasyn shyǵarý bir jyl burynǵy 325,2 myń tonnaǵa qaraǵanda 380,7 myń tonnany qurady. 2022 jyly "QazAzot" óndiris kólemin 400 myń tonnaǵa deıingi deńgeıge shyǵarýdy josparlap otyr.