Qaladaǵy barlyq zaqymdalǵan kameralar men jabdyqtar qalpyna keltirildi
Almatyǵa qosymsha taǵy úsh myń beınekamera qoıylady, dep habarlaıdy Almaty-akshamy.kz Polisia.kz-ke silteme jasap.
Buryn habarlanǵandaı, 2022 jylǵy 4-7 qańtar aralyǵynda jappaı tártipsizdikter kezinde 75 “Sergek” kesheni, bul 304 beınekamera, sondaı-aq, RTRK ǵımaratynda ornalasqan ortalyq baılanys ortalyǵy, antena jáne jelilik jabdyq isten shyqty. Barlyq zaqymdalǵan kameralar men jabdyqtar qalpyna keltirildi.
Jeke TOBJ arnalaryna qosylýǵa arnalǵan jeke júıesi bar 1 103 kamerany qamtıtyn “Beınebaqylaý júıeleri” jobasy boıynsha jappaı tártipsizdikter kezinde 283 kamera, sondaı-aq shkaftar men taratý jabdyqtary isten shyqqan. Qazirgi ýaqytta beınekameralar men zaqymdalǵan qondyrǵylar qalypty jumys istep tur.
«Aldaǵy ýaqytta úsh myń beınebaqylaý kamerasy ornatylady. Qala turǵyndarynyń qaýipsizdik sharalaryn uıymdastyrýdyń mańyzdy jobasy Biryńǵaı beınebaqylaý júıesi bolmaq. Eger buryn tek jol qozǵalysy qaýipsizdiginiń jaı-kúıi PD JBO arqyly baqylanatyn bolsa, 2020 jyldan bastap ortalyqtyń mártebesine azamattardyń kóp jınalatyn jerlerindegi, aýlalardaǵy jáne aýlalarǵa, polısıa pýnktterine irgeles aýmaqtardaǵy qozǵalysty baqylaý ene bastady. Aldaǵy 2 jylda qaladaǵy barlyq jaǵdaıdy kórý úshin kameralardy saýda ortalyqtarymen jáne basqa da jeke menshik nysandarymen biriktirýdi josparlap otyrmyz», – dedi Almaty qalalyq PD Aqparattandyrý jáne baılanys basqarmasynyń bastyǵy Olga Agafonova.