11 qazan kúni Astanada ótetin «OTANDASTAR» forýmyna 40-tan astam elden 200-ge jýyq otandasymyz qatysady, dep habarlaıdy almaty-akshamy.kz.
Olar – sheteldegi qazaq uıymdarynyń basshylary, belsendileri, janashyrlary jáne sheteldegi ǵylym, bilim, mádenıet, bıznes, medıa, saıasat syndy basqa da salalardyń kórnekti ókilderi men belgili qaı̆ratkerleri.
Osy rette 10 qazan seısenbi kúni Forýmnyń Bas seriktesi «Altyn Qyran Foundation» qoǵamdyq qory jáne Ulttyq sport qaýymdastyǵy uıymdastyrǵan sporttyq baǵdarlama aıasynda forým qonaqtary ulttyq qundylyqtarymyzben etene jaqyn tanysty. Atap aıtqanda, Ulttyq sport qaýymdastyǵy men Salalyq sport federasıalarynyń mamandary ulttyq oıyndarymyzdan (toǵyzqumalaq, asyq atý, sadaq atý, qyz qýý, aýdaryspaq, kókpar, qusbegilik) qoıylym kórsetti. Qonaqtardyń nazaryna qolóner sheberleri jasaǵan ulttyq buıymdar da usynyldy.
Qoıylym aldynda sóz alǵan Ulttyq sport qaýymdastyǵynyń prezıdenti Islambek Saljanov:
«Kezekti ret uıymdastyrylyp otyrǵan «Otandastar forýmy» shetelderdegi qazaq uıymdarynyń basyn qosatyn asa aýqymdy jıyn. «Altyn Qyran Foundation» qoǵamdyq qory jáne Ulttyq sport qaýymdastyǵy osyndaı irgeli jobaǵa qoldaý kórsetýdi ózine asa zor mártebe sanaıdy. Barshańyzǵa málim, ulttyq sporttyń artynda ultymyzdyń tarıhy, salt-dástúri, namysy men rýhy tur. Ulttyq sport qaýymdastyǵy ata-babadan qalǵan qasıetti murany damytýǵa bar kúshin salyp otyr. Otany birdiń – tilegi bir! Bereke-birligimizben Qazaqstannyń memlekettigin nyǵaıta túsemiz degen senimdemin» - dedi.
Sondaı-aq qaýymdastyq prezıdenti qandastardy kelesi jyly Astanada ótetin V Dúnıejúzilik kóshpendiler oıynyna shaqyrdy.
«Otandastar» forýmynyń Bas seriktesi – «Altyn Qyran Foundation» qoǵamdyq qory.
Forýmnyń Tıtýldy demeýshisi – «Sine Midas Stroy» qurylys kompanıasy.
Demeýshiler:
- Astana ákimdigi;
- «Rixos President Astana» qonaq úıi;
- JSHS «SHİ»;
Tirkelip, qosymsha aqparat alý úshin:
+7 708 631 17 96 (Nurymjan Qasymuly)
+7 708 537 5710 (Gúlnar Abaıqyzy)
+7 775 510 51 91 (Aljan Nurlanuly)
Pochta: forumotandastar@gmail.com
Resmı saıt: otandastarforum.kz Instagram (@otandastar_qory)
Facebook (OtandastarQory) YouTube (Otandastar channel