Zańǵa ózgerister engizilýi múmkin.
Eńbek jáne halyqty áleýmettik qorǵaý mınıstri Svetlana Jaqypovanyń aıtýynsha, zeınetke shyqqanda eńbek kitapshasynyń elektrondy nusqasy bolsa, onyń qaǵaz nusqasy kerek emes, dep habarlaıdy Almaty-akshamy.kz
Eger jumysta kadr bólimi eńbek kitapshasyn sıfrlandyrsa, bul aqparat elektrondy eńbek bırjasynda bolsa, onda ony usynýdyń keregi joq, - dedi Svetlana Jaqypova.
Mınıstr eńbek kitapshasynyń elektrondy nusqasyn jasaý kadr bóliminiń mindeti emes ekenin, sheshimdi ár adam jeke qabyldaıtynyn atap ótti. Osyǵan baılanysty mınıstr talapty kúsheıtý jaǵyn qarastyryp jatqandaryn jetkizdi.
Árıne, biz qazaqstandyqtardyń quqyǵyn qorǵaý úshin osy normany kúsheıtkimiz keledi. Óıtkeni bizde kóptegen adam elektrondy eńbek shartyn jasamaıdy. Sondyqtan Eńbek kodeksinde elektrondy eńbek sharty mindetti jáne onda barlyq derek shyndyqqa sáıkes kelýi kerek degen norma paıda bolsa, onda biz konvertpen jalaqy berilmeıtin jaǵdaıǵa kelemiz. Búginde ondaı jaǵdaı bar, - dedi mınıstr.