Memleket basshysy, Qazaqstan Qarýly Kúshteriniń Joǵarǵy Bas qolbasshysy Qasym-Jomart Toqaev jıynǵa qatysýshylardy Otan qorǵaýshy jáne Jeńis kúnimen quttyqtap, jyl saıyn qatar atap ótiletin qos mereke Otan úshin ot keshken aǵa býyn men egemen eldiń sarbazdary arasyndaǵy sabaqtastyqty bildiretinine nazar aýdardy.

«Qazaq – dańqty tarıhyn at tuıaǵymen jazǵan halyq. Biz ulan-ǵaıyr jerin jaýǵa bastyrmaǵan batyr eldiń urpaǵymyz. Alapat soǵysta jeńiske jetken qaharman erlerdiń izbasarymyz. Qazir elimizdiń kúshtik qurylymdary Qazaqstannyń qaýipsizdigin qas qaqpaı kúzetip tur. Otanymyzdyń irgesi berik bolýyn qamtamasyz etý – ár azamattyń perzenttik paryzy. Sondaı-aq ómir jolyn áskerı qyzmetke arnaǵan mamandardyń kásibı mindeti. Qazaqstan – beıbit memleket. Biz barlyq eldermen dostyq qatynas ornattyq. Memleketter arasyndaǵy kez kelgen máseleni beıbit jolmen sheshý kerek dep sanaımyz. Degenmen qamsyz otyrýǵa bolmaıdy. Barlyq jaǵdaıǵa saqadaı saı bolýymyz aıryqsha mańyzdy. Elimizdiń qorǵanys jáne qaýipsizdik salasyn kúsheıtý – basty mindettiń biri», - dedi Memleket basshysy.

Prezıdent memlekettiń qorǵanys qabiletin kúsheıtý, ulttyq qaýipsizdikti nyǵaıtý, sondaı-aq zań ústemdigi men quqyqtyq tártipti qamtamasyz etý elimizdiń myzǵymas basymdyqtary ekenin atap ótti.

«Memleket kúshtik qurylymdarǵa kórsetiletin qoldaýdy dáıekti túrde keńeıtip keledi. Infraqurylym, materıaldyq-tehnıkalyq turǵyda jabdyqtaý máseleleri kezeń-kezeńmen jaqsaryp, eńbekaqy men áleýmettik jeńildikter artyp keledi. Áskerı qyzmetshiler, arnaýly jáne quqyq qorǵaý organdarynyń qyzmetkerleri, kúshtik qurylymdardyń ardagerleri árdaıym memlekettiń kómegi men qamqorlyǵyna senýine bolady. Otan qorǵaý – árbir azamat úshin bıik mártebe. Sondaı-aq, bul – týǵan eldiń, bolashaq urpaqtyń aldyndaǵy úlken jaýapkershilik. Sizder elimizdegi beıbit ómirdi, tynyshtyq pen turaqtylyqty saqtaýǵa zor úles qosyp júrsizder. Óz isiniń naǵyz sheberi atanyp, minsiz qyzmet atqaryp kelesizder. Ortamyzda antyna adal bolyp, el qaýipsizdigi úshin basyn qaterge tikken beıbit kúnniń batyrlary bar. Olardyń erligi, shyn máninde, barsha halyqqa, ásirese, jastarǵa úlgi-ónege», - dedi Qasym-Jomart Toqaev.

Prezıdent sózin qorytyndylaı kele, el tynyshtyǵyn, memleket qaýipsizdigin qorǵaýǵa atsalysyp júrgen barsha azamatqa alǵys aıtty.

Budan keıin Memleket basshysy erligimen jáne eńbegimen dara shyqqan birqatar azamatty memlekettik nagradamen marapattady. Sondaı-aq áskerı jáne arnaýly ataqtar, synyptyq shender tapsyrdy.

«Qurmetti ofıserler men sarbazdar! Marapattaryńyz ben ataq-shenderińiz qutty bolsyn! Antqa adal bolyp, memleketimiz úshin, halqymyz úshin qyzmet eteıik. Bul – paryz ári zor mártebe», - dedi Prezıdent sóziniń sońynda.

Memleket basshysynyń qolynan áskerı jáne arnaýly ataq, synyptyq shen alǵan ofıserlerdiń tizimimen myna silteme arqyly tanysýǵa bolady.

***

Otan qorǵaýshy kúnine oraı memlekettik nagradalarmen marapattalǵan tulǵalar tizimi:

I dárejeli «Dańq» ordenimen

Qusaıynov Marat Raqymuly – Qazaqstan Respýblıkasy Qorǵanys mınıstriniń birinshi orynbasary – Qarýly Kúshteri Bas shtabynyń bastyǵy

II dárejeli «Dańq» ordenimen

Sultan Bektóre Jeńisbaıuly – İshki ister mınıstrligi Abaı oblysy polısıa departamentiniń bastyǵy

Úshtaev Qýanyshbek Óskenbaıuly Qorǵanys mınıstrligi «Shyǵys» óńirlik qolbasshylyǵy áskerleriniń qolbasshysy

Shalabaev Serik Rysqalıuly – Batys Qazaqstan oblysynyń prokýrory;

I dárejeli «Aıbyn» ordenimen

Orazalıev Arman Moldıaruly – İshki ister mınıstrliginiń departament bastyǵynyń orynbasary;

II dárejeli «Aıbyn» ordenimen

Ábdihanov Qýat Amanbekuly – Qazaqstan Respýblıkasy Qarjylyq monıtorıń agenttiginiń departament basshysy

Ábdibaev Jandos Narymbetuly – Almaty qalasy prokýrorynyń orynbasary

Basshybaev Madıar Bekenuly – Jetisý oblysynyń prokýrory

Derbishev Murat Aqynbekuly – Ulttyq qaýipsizdik komıteti Qyzmeti dırektorynyń orynbasary

Jumataev Taıyr Qaıyruly – Qorǵanys mınıstrligi 97616 áskerı bóliminiń komandıri

Ibraeva Sánıa Hamıdqyzy – Memlekettik kúzet qyzmetiniń qyzmet bastyǵy

Qojyqov Serik Elibaıuly – Memlekettik kúzet qyzmeti «Aıbyn» Prezıdenttik polkiniń basqarma bastyǵy

Nuranov Mırjan Qaıratuly – Ulttyq qaýipsizdik komıtetiniń departamenti bastyǵynyń orynbasary

Nurkeldıev Dastan Smaǵululy – Qazaqstan Respýblıkasy Qarýly Kúshteri Áskerı polısıasynyń bas basqarma bastyǵynyń orynbasary

Omarov Asqat Nurboluly – Memlekettik kúzet qyzmetiniń basqarma bastyǵy

Ótegenov Erlan Rahymjanuly – Astana qalasynyń prokýrory

Rýdkovskıı Denıs Iosıfovıch – İshki ister mınıstrliginiń departament bastyǵynyń orynbasary

Toıshybekov Asqar Tasbolatuly – Tótenshe jaǵdaılar mınıstrliginiń Almaty oblysy Tótenshe jaǵdaılar departamentiniń bastyǵy;

III dárejeli «Aıbyn» ordenimen

Kembaev Ádilet Erikuly – İshki ister mınıstrliginiń «Almaty qalasy mamandandyrylǵan kúzet qyzmeti basqarmasy» MM vzvod komandıriniń kómekshisi;

«Qurmet» ordenimen

Dúısekova Álıa Abaıqyzy – İshki ister mınıstrliginiń departament bastyǵynyń orynbasary

Omarov Ǵalymjan Jumahanuly – Qorǵanys mınıstrligi Áskerı klınıkalyq gospıtali bastyǵynyń orynbasary;

«Erligi úshin» medalimen Baıǵonaqov Azamat Saıranuly – Qazaqstan Respýblıkasy Ulttyq ulanynyń «Ortalyq» óńirlik qolbasshylyǵy 5510 áskerı bóliminiń shtab bastyǵy – jasaq komandıriniń orynbasary

Dáýrenqulov Ádil Erkinuly – Tótenshe jaǵdaılar mınıstrligi Almaty qalasy Tótenshe jaǵdaılar departamenti órt sóndirý jáne avarıalyq-qutqarý jumystary qyzmeti № 1 mamandandyrylǵan órt sóndirý bóliminiń órt sóndirýshisi – qutqarýshysy

Ysqaqov Ermek Erjanuly – Tótenshe jaǵdaılar mınıstrligi Abaı oblysy Tótenshe jaǵdaılar departamenti órt sóndirý jáne avarıalyq-qutqarý jumystary qyzmeti № 1 mamandandyrylǵan órt sóndirý bóliminiń bólimshe komandıri;

«Jaýyngerlik erligi úshin» medalimen

Abzalıev Oljas Qaıratpekuly – Memlekettik kúzet qyzmetiniń aǵa ınspektory

Dúısenova Raýshan Bolatqy – Ulttyq qaýipsizdik komıtetiniń basqarma bastyǵy

Qalquzov Erbol Ótegenuly – Ulttyq qaýipsizdik komıtetiniń basqarma bastyǵy

Qonysbaev Almas Qudaıbergenuly – Qorǵanys mınıstrligi 10810 áskerı bólimi motoatqyshtar batalóny mergender vzvodynyń komandıri

Nuǵymanov Baqytjan Zeınollauly – Qazaqstan Respýblıkasy Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmettiń) Qyzylorda oblysy boıynsha departamentiniń asa mańyzdy ister jónindegi tergeýshisi

Omarov Jeńis Omaruly – Qazaqstan Respýblıkasy Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmettiń) Almaty oblysy boıynsha departamentiniń asa mańyzdy ister jónindegi ofıseri

Snadınov Aıdos Shynbaıuly – Ulttyq qaýipsizdik komıtetiniń Aqtóbe oblysy boıynsha departamenti basqarma bastyǵynyń orynbasary.