Ury olar úshin ótemaqy talap etip kelgen.
Almatyda jas jigit kólikterden memlekettik tirkeý nómirlik belgilerin sheship alyp, keıin ony ıesine aqy tólegen jaǵdaıda ǵana qaıtaryp júrgen, dep habarlaıdy Almaty-akshamy.kz Polisia.kz-ke silteme jasap.
«Kúdikti kúrdeli emes “tabys tabý” tizbegin oılap tapqan. Túnde ol turaqta turǵan kólikterdiń memlekettik nómirlerin sheship alyp, kóliktiń aınasyna urlanǵan nómirdi qaıtaryp alý úshin ótemaqy tóleý sharty jazylǵan jazýdy qaldyryp ketken. Sodan keıin isker jigit nómirlik belgi jasyrylǵan mekenjaıdy habarlaǵan. Jedel-izdestirý is-sharalary barysynda kúdikti ustaldy. 21 jastaǵy A. esimdi azamat, osyǵan uqsas taǵy 5 urlyq jasaǵanyn moıyndady. Atalǵan epızodtar boıynsha QR QK-niń 188-babyna (Urlyq) sáıkes sotqa deıingi tergeý amaldary júrgizilip jatyr», – deıdi Jetisý aýdandyq polısıa basqarmasynyń bastyǵy Jánibek Shynasylov.
QR QPK-niń 201-babyna sáıkes ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.