Profılaktıkalyq jumys jastardy aqparattandyrýǵa baǵyttalǵan.
Naýryzdyń birinshi aptasynda jastar densaýlyq ortalyqtarynda ashyq esik kúnderi ótedi, dep habarlaıdy Almaty-akshamy.kz
2023 jylǵy 1-7 naýryz aralyǵynda elimizdiń barlyq óńirlerinde jastar arasynda profılaktıkalyq jumysqa baǵyttalǵan jastar densaýlyq ortalyqtarynda ashyq esik kúnderi ótkiziletin bolady.
Profılaktıkalyq jumys jastardy aqparattandyrýǵa jáne tárbıeleýge, olardyń qaýipsiz minez-qulqy men qajetti ómirlik daǵdylaryn qalyptastyrýǵa baǵyttalǵan.
JDO óz qyzmetinde densaýlyqty saqtaýǵa, jasóspirimderdiń arasyndaǵy qaýipti minez-qulyqty tómendetýge, áleýmettik súıemeldeýge jáne izgi nıet, qoljetimdilik, eriktilik jáne senim qaǵıdattary negizinde olardyń quqyqtaryn qorǵaýǵa baǵyttalǵan tıimdi tehnologıalardy paıdalanady.
JDO mamandary jumysynyń mańyzdy baǵyty ómirlik qıyn jaǵdaıǵa tap bolǵan jasóspirimder men jastarǵa kómek kórsetý bolyp tabylady.
Jastar ortalyqtarynda reprodýktıvtik jáne psıhıkalyq densaýlyqty saqtaý boıynsha konsýltasıalyq, emdeý-dıagnostıkalyq, medısınalyq-psıhologıalyq kómek alýǵa bolady.
Sondaı-aq, atalǵan ortalyqtarda durys qunarly tamaqtanýdy, dene belsendiligin, sportpen shuǵyldanýdy, tamaqtanýdy ilgeriletý men nasıhattaýdy qosa alǵanda salamatty ómir saltyn ustaný daǵdylaryn ilgeriletý jáne qalyptastyrý; aýrýlardyń, minez-qulyq qaýip faktorlarynyń profılaktıkasy (nashaqorlyqtyń, temeki buıymdaryn, onyń ishinde qyzdyrylatyn temeki, kalánǵa arnalǵan temeki, kalán qospasy bar buıymdardy, temekini jylytýǵa arnalǵan júıeni, elektrondyq tutyný júıeleri men olar úshin suıyqtyqtardy, alkogoldi jáne basqa da psıhoaktıvti zattardy tutynýdyń profılaktıkasy), jasóspirimder men jastardy densaýlyqty nyǵaıtý jáne aldyn alý máseleleri boıynsha, ómir saltyna baılanysty aýrýlar, onyń ishinde reprodýktıvtik jáne psıhıkalyq densaýlyqty saqtaý máseleleri boıynsha gıgıenalyq oqytý belsendi júrgizilýde.
Jastar densaýlyq ortalyqtarynyń reprodýktıvtik jáne psıhıkalyq densaýlyqty saqtaý jónindegi qyzmetteri:
10 jastan 18 jasqa deıingi kámeletke tolmaǵandarǵa;
29 jasqa deıingi jastarǵa usynylady.
Aqparattyq naýqan sheńberinde mamandar (akýsher-gınekolog, ýrolog, dermatovenerolog, psıholog) konsýltasıalar, psıhologıalyq konsýltasıalar jáne semınar-trenıngter ótkizý arqyly reprodýktıvtik jáne psıhıkalyq densaýlyqty saqtaý máseleleri boıynsha jasóspirimder men jastardyń habardarlyǵyn arttyrýǵa erekshe nazar aýdarylatyn bolady.