Jolda quqyq buzýdy ádetke aınaldyrǵan jigitke aıyppul salyndy.
Jol qozǵalysy erejesin óreskel buzý derekteri áleýmettik jelilerge júrgizilgen monıtorıń barysynda belgili boldy, dep habarlaıdy Almaty-akshamy.kz Polisia.kz-ke silteme jasap.
«Bizdiń bólimsheniń izdestirý bóliminiń qyzmetkerleri tekseris júrgizdi, nátıjesinde ál-Farabı dańǵylymen shyǵys baǵytta kele jatyp, jol qozǵalysy erejelerin óreskel buzǵan BMW avtokóliginiń júrgizýshisi anyqtaldy. Onyń áreketinde 29 quqyq buzýshylyqtyń belgileri baıqaldy: QR ÁQBtK-niń 595-baby 1-bóligi – manevr jasaý erejelerin buzý boıynsha 27 hattama, taǵy 2 hattama QR ÁQBtK-niń 606-baby 1-bóligi – apattyq jaǵdaıdy týyndatý boıynsha toltyryldy. Salynǵan aıyppuldyń jalpy somasy 534 myń 750 teńgeni qurady», – dedi Almaty qalalyq PD jergilikti polısıa qyzmeti basqarmasynyń bastyǵy Erjan Uzabaev.