Mamyrda atalǵan kelisimge qol qoıylýy múmkin
Syrtqy ister mınıstrliginiń resmı ókili Aıbek Smadıarov Qytaımen aradaǵy vızasyz rejımge qatysty pikir bildirdi, dep habarlaıdy Almaty-akshamy.kz QazAqparatqa silteme jasap.
«Keıingi kezderi qoǵamda Qytaı men Qazaqstan arasyndaǵy vızasyz rejımge qarsy pikirler aıtylyp jatyr. Bul kelisimge qol qoıylmady. Oǵan qol qoıylsa ǵana kúshine enedi. Ekinshiden, byltyr jazdan beri Qytaı azamattary Qazaqstanǵa 14 kúnge vızasyz kele alady. Qazaqstan kóshelerinde qytaılar kóp júrgen joq. Endi 14 kúnge keletin azamattar 30 kúnge kele alady. Kelisim Qazaqstanǵa da tıimdi bolmaq. Eger kelisimge qol qoıylsa, Qazaqstan azamaty Qytaıǵa 30 kúnge vızasyz bara alady», - dedi A. Smadıarov elordada ótken baspasóz máslıhatynda.
Onyń aıtýynsha, eger adam 30 kúnnen asa elde bolsa, ol mindetti túrde jazalanady. Vızasyz rejım týrısik ári iskerlik saparlarǵa arnalyp otyr. Osy oraıda kelisimsharttardy bekitý, konsýltasıa júrgizý, sondaı-aq basqa da iskerlik qatynastarǵa baǵyttalǵan. Bul turǵyda jumysqa ornalasýǵa ruqsat etilmeıdi.
«Sondaı-aq, júk kóligin júrgizýshiler de vızasyz kire alady. Bul biraz máseleni sheshedi. Qos el arasyndaǵy saýda-sattyq ósip, óńiraralyq yntymaqtastyq nyǵaıady, ekonomıkamyzǵa áser etedi. Qytaı – alpaýyt ekonomıkasy bar memleket. Qazaqstan – Ortalyq Azıada Qytaımen vızasyz rejım ornatqan jalǵyz memleket. Muny biz dıplomatıalyq jeńis dep esepteımiz», - dedi resmı ókil.
Aıbek Smadıarov mamyrda atalǵan kelisimge qol qoıylýy múmkin ekenin aıtty.