Balapan haıýanattar baǵynda veterınardyń baqylaýynda
Óskemen qalasynyń turǵyny baqshasynan búrkittiń jaraly balapanyn tapqan, dep habarlaıdy Almaty-akshamy.kz.
SHQO Polısıa departamenti baspasóz qyzmetiniń málimetine súıensek, Óskemen turǵyny baqshasynan kezquıryqqa uqsas qusty tapty. Ony qarap shyqqannan keıin bir qanatynyń jaraly ekenin baıqaǵan.
Birneshe kún boıy boıjetken qusty óz úıinde ustap kórdi. Alaıda durys qaraı almaǵandyqtan polısıaǵa qońyraý shalyp, qusty janýarlardy qorǵaý mekemesine jetkizýge kómek surady. Sol jerge qalalyq PB Ertis polısıa bóliminiń ýchaskelik ınspektory Áset Oralbekov kelip jetken.
«Qanaty synǵan qus adam kómeginsiz tiri qalmas edi. Qusty qutqarǵan qyzǵa rahmet. Qazirgi ýaqytta qusty kásibı mamandardyń qolyna tapsyrdyq», - deıdi ýchaskelik ınspektor.
Veterınardyń aıtýynsha, bul qus qezquıryq emes, dala búrkitiniń balapany. Balapan haıýanattar baǵynda veterınardyń baqylaýynda. Jazylǵan soń óz erkine jiberiledi.