Áıelder arasyndaǵy Eýro-2022 chempıonatyna Reseıdiń ornyna Portýgalıa qatysady
Eýropa fýtbol qaýymdastyqtarynyń odaǵy ÝEFA reseılik klýbtardy 2022-2023 maýsymynda Eýropa týrnırlerine qatysýdan shettetti, dep habarlaıdy Almaty-akshamy.kz QazAqparatqa silteme jasap.
«Bul jerde áńgime bıylǵy Ulttar lıgasy, Eýropa lıgasy, 2023 jylǵy Eýropa jastar kýbogy men áıelder arasyndaǵy álem chempıonaty jaıynda bolyp otyr. Dıskvalıfıkasıa úshin eýrokýbokqa komanda irikteý syzbasy ózgerdi. Mysaly Ulttar lıgasynda reseılik quramaǵa merziminen buryn toptaǵy sońǵy oryn beriledi jáne búkil komandalar arasyndaǵy klasy kezeń-kezeńimen tómendeıdi»,-delingen uıymnyń resmı saıtynda.
Áıelder arasyndaǵy Eýro-2022 chempıonatyna Reseıdiń ornyna Portýgalıa qatysady.
Reseılik komandalar men ulttyq quramalardyń oıynnan qansha ýaqytqa alastatylǵany belgisiz. Onyń ústine Reseıdiń Eýro-2028 jáne Eýro-2032 kýboktaryn ótkizýge bergen ótinishi jaýapsyz qaldy.
ÝEFA óz sheshimin túsindire kele odaqtyń, basqa úmitkerler men jalpy Eýropa fýtbolynyń abyroı-bedeline nuqsan kelýine jol bermeıtin erejelerdi basshylyqqa alǵanyn aıtady.
Reseı fýtbol odaǵy bul sheshimmen múlde kelispeıtinin jáne Sport arbıtraj sotyna aryzdanatynyn málimdedi.