Respýblıka boıynsha naızaǵaı oınap, jel kúsheıedi
«Qazgıdromet» RMK-sy mamyrdyń 3-i kúngi kún raıy boljamyn jarıalady, dep habarlaıdy Almaty-akshamy.kz.
Kásiporyn taratqan derekterge qaraǵanda, 3 mamyrda atmosferalyq frontaldy bólikterdiń ótýine baılanysty respýblıkanyń basym bóliginde kún kúrkirep, jańbyr jaýady, eldiń taýly aýdandarynda, ońtústik-shyǵysynda qatty jańbyr jaýady. Respýblıka boıynsha naızaǵaı oınap, jel kúsheıedi, eldiń ońtústiginde, ońtústik-shyǵysynda burshaq jaýady.
Túrkistan oblysynyń soltústiginde, batysynda, taýly, taý bókterindegi aýdandarynda naızaǵaı oınap, daýyl turady, jel 15-20 m/s jyldamdyqpen esedi, kúndiz taýly aýdandarda burshaq jaýady.
Túnde Jambyl oblysynyń soltústiginde, taýly aýdandarynda, kúndiz soltústiginde, ońtústik-batysynda, ońtústik-shyǵysynda, taýly aýdandarynda naızaǵaı oınap, burshaq jaýady, kúndiz ońtústik-batysynda, soltústik-shyǵysynda jáne oblystyń taýly aýdandarynda jel 15-20 m/s deıin kúsheıedi.
Kúndiz Almaty oblysynyń soltústiginde, ońtústiginde, taýly aýdandarynda naızaǵaı oınaıdy, jel 15-20 m/s jyldamdyqpen esip, ekpini 25 m/s bolady.
Mańǵystaý oblysynyń batysynda, ońtústiginde, ortalyǵynda naızaǵaı oınaıdy, oblystyń batysynda – jeldiń ekpini 15-20 m/s-qa deıin jetedi.
Soltústik Qazaqstan oblysynyń soltústiginde, shyǵysynda, kúndiz Aqtóbe oblysynyń shyǵysynda jeldiń jyldamdyǵy sekýndyna 15-20 metrge deıin kúsheıedi.
Qostanaı oblysynyń shyǵysynda tuman túsedi, oblystyń ońtústiginde jeldiń ekpini 15-20 m/s-qa deıin kúsheıedi.
Qyzylorda oblysynyń ortalyǵynda naızaǵaı oınaıdy, soltústikte, ońtústikte, shyǵysta jel 15-20 m/s-qa deıin kúsheıedi.
Qaraǵandy oblysynyń soltústiginde, ońtústiginde, shyǵysynda jel 15-20 m/s jyldamdyqpen esedi, oblystyń ońtústiginde naızaǵaı oınaıdy.
Shyǵys Qazaqstan oblysynyń ońtústiginde naızaǵaı oınaıdy, jeldiń jyldamdyǵy sekýndyna 15-20 metrge deıin jetedi.
Aqmola oblysynyń soltústiginde túnde jáne tańerteń tuman túsedi.
Batys Qazaqstan oblysynyń ońtústiginde, Aqtóbe oblysynyń soltústiginde, ortalyǵynda, Pavlodar oblysynyń ortalyǵynda tótenshe órt qaýpi saqtalady.