Kezdesýde saılaýdy ótkizýdi ońtaılandyrý joldary qarastyryldy.
«Elimizde saılaý erejesine saı, ádil ótýi tıis». Búgin Ortalyq saılaý komısıasynyń tóraǵasy Nurlan Ábdirov Almaty qalasynyń qoǵam belsendilerimen, úkimettik emes uıymdardyń ókilderimen, máslıhat depýtattarymen jáne táýelsiz baqylaýshylarmen kezdesti, dep habarlaıdy Almaty-akshamy.kz Almaty.tv silteme jasap.
Jıynda saılaýdy ótkizýdi ońtaılandyrý joldary qarastyryldy. Aıta keteıik, jyl basynan beri Nurlan Ábdirov elimizdiń 14 óńirin aralap, halyqpen osyndaı kezdesý ótkizip keledi.
«Prezıdentimizdiń maǵan bergen tapsyrmasy el aralap kelińiz, búkil halyqpen kezdesińiz. Ol ashyq áńgime bolsyn, kókeıindegi muń-muqtajy bar bolsa estip, naqty usynystaryn tyńdaıyq. Suraqtaryna jaýap berip, zań júıesinde tıisti ózgertýler qajet bolǵan jaǵdaıda ony da oılastyraıyq dedi», – dedi Ortalyq saılaý komısıasynyń tóraǵasy Nurlan Ábdirov.
Jastar pikiri de nazardan tys qalǵan joq. Almatylyq stýdenttermen kezdesken Ortalyq saılaý komısıasynyń tóraǵasy saılaýdy sıfrlandyrý, saıası reformalardy júzege asyrý syndy máselelerdi ortaǵa saldy.
«Nurlan Májitulynyń aıtyp otyrǵany - halyqty estıik, tyńdaıyq. Qandaı jumysta ózgerister engizýimiz kerek. Erteń zańnama qabyldanady, sol kezde ne kirgizý kerek? Saılaý halyq úshin ǵoı. El úshin. Sondyqtan mundaı kezdesýlerdiń paıdasy zor», – dedi qoǵamdyq keńes tóraǵasy Rahman Alshanov.