Baǵdarlama týrısik operatorlar arqyly iske asady.
Qazaqstanda otbasylyq týrızmge arnalǵan jańa Kids Go Free baǵdarlamasy áli suranysqa ıe emes. Sebebi, elimizde týrısik maýsym áli bastalǵan joq. Kazakh Tourism kompanıasy basqarma tóraǵasynyń orynbasary Qaırat Sádýaqasov alǵashqy nátıjeler jazdyń ortasynda shyǵarylatynyn aıtty, dep habarlaıdy Almaty-akshamy.kz QazAqparatqa silteme jasap.
«Ázirge suranys kóp emes. Óıtkeni baǵdarlama jańa jáne buryn júzege asyrylmaǵan. Mehanızm tarapynan túsinbeýshilik bar. Sonymen qatar, týrıser arasynda bilimniń azdyǵy da áser etip jatyr. Qazir osy eki baǵyt boıynsha jumys istep jatyrmyz. Baǵdarlama týrısik operatorlar arqyly iske asady. Olar osy paketterdi satady, sosyn memleketten sýbsıdıa alady. Sondaı-aq baǵdarlamaǵa qatysty usynystaryn aıtady. Biz onymen jumys istep jatyrmyz», - deıdi Qaırat Sádýaqasov.
Onyń aıtýynsha, jobany halyq arasynda nasıhattaý maqsatynda úlken jarnama jasalady.
«Demalys maýsymy bastala qoımaǵandyqtan, suranys kóp emes. Alǵashqy nátıjelerdi jazdyń ortasyna qaraı qorytyndylaı alamyz. Bul - birinshi pılottyq jyl. Nátıjesi boıynsha sýbsıdıany kóbeıtý nemese azaıtý máselesi qaralady. Biraz ózgerister engizemiz», – dep atap ótti Qaırat Sádýaqasov.
Qazaqstan týroperatorlary qaýymdastyǵynyń prezıdenti Inna Reı de baǵdarlamany pysyqtaý kerektigin aıtty.
Eske salaıyq, bıyldan bastap eki jastan on tórt jasqa deıingi balalar Qazaqstanda ushaqpen tegin usha alady.