Synyp saǵattary ótkiziledi.
Bıyl mektepterde 7 jáne 9 mamyrdaǵy merekelerge oraı jıyn ótkizý jospary joq, dep habarlaıdy Almaty-akshamy.kz QazAqparatqa silteme jasap.
«Mektepterde 7 jáne 9 mamyrda atalyp ótetin merekeler qarsańynda patrıottyq tárbıe berý, soǵys ardagerleriniń jeńiske qosqan úlesi, Otanǵa degen súıispenshilik, izgilik, beıbitshilik pen kelisimniń mańyzdylyǵy taqyryptarynda synyp saǵattary ótkiziledi. Mektepterde 9 mamyrǵa arnalǵan jıyn ótkizý josparlanyp otyrǵan joq», - delingen Bilim jáne ǵylym mınıstrliginiń baspasóz qyzmetiniń habarlamasynda.
Sondaı-aq, atalǵan vedomstvodan áskerı kıim men atrıbýttardy qoldanyp, teatrlandyrylǵan kórinis qoıýdyń qajet emestigi aıtyldy.
«Bilim berý uıymdaryna osy másele boıynsha usynystar jiberildi», - deıdi baspasóz qyzmeti.
Eske sala ketsek, taıaýda Qorǵanys mınıstriligi bıyl Jeńis kúnine arnalǵan áskerı paradtyń ótpeıtinin habarlady. Keıin onyń sebebi túsindirildi.
Al búgin qorǵanys mınıstri Rýslan Jaqsylyqov bir áskerı parad ótkizýge shamamen 4 mlrd teńge jumsalatynyn jetkizdi.
Sondaı-aq, Nur-Sultanda 7 jáne 9 mamyr kúnderi merekelik otshashýdyń bolmaıtyny aıtyldy.