Kez kelgen naýqannyń 80 paıyzyn jalaqy qory quraıdy.
Ortalyq saılaý komısıasy prezıdent saılaýyn ótkizý úshin Qarjy mınıstrliginen suralǵan somany túsindirdi, dep habarlaıdy Almaty-akshamy.kz
«Eńbekaqy qory barlyq deńgeıdegi saılaý komısıalarynyń 70 myńnan astam múshesinen turady. Olardyń eńbekaqysy eń tómengi jalaqy mqlsherine sáıkes keledi. 2019 jyly eń tómengi jalaqy 42 500 teńge bolsa, bıyl 60 myń teńge. Bul - saılaý naýqanynyń smetasyndaǵy úlken sekiris. Eń áýeli kez kelgen naýqannyń 80 paıyzyn jalaqy qory quraıdy, bul soǵan baılanysty. Búginge deıin biz Qarjy mınıstrligine saılaý naýqanyn ótkizýge ketetin shyǵynnyń shamamen smetasyn usynyp, qazir 20,5 mıllıard teńgeni talqylaý ústindemiz», - dedi QR OSK múshesi Sábıla Mustafına.
Onyń aıtýynsha, OSK jańa óńirler men jańa saılaý ýchaskeleriniń qurylýyna baılanysty saılaý jáshigin satyp alý úshin belgili bir somany suraǵan.