25 qyrkúıekte Almatyda joldardyń bir bóligi jabylady

Sebebi qalamyzda jyl saıynǵy «Almaty marafony» ótedi.

Jarys ótetin kúni qaladaǵy keıbir jol ýchaskelerinde kólik qozǵalysy jartylaı shekteledi, dep habarlaıdy Almaty-akshamy.kz

24 qyrkúıek kúngi saǵ. 6:00-den bastap 25 qyrkúıek kúngi saǵ. 18:00-ge deıin marafon qashyqtyqtary ótetin jerlerde joldardaǵy qozǵalys ishinara jabylady.

«Sportshylardyń qashyqtyqty júgirip ótý shamasyna qaraı joldar ashylyp otyrady. Marafonnyń sóresi men máresi Respýblıka alańynda bolady, sondyqtan 24 qyrkúıek kúngi saǵ. 6:00-den bastap 25 qyrkúıek kúngi saǵ. 18:00-ge deıin Sátbaev kóshesinde Jeltoqsan kóshesinen bastap Nazarbaev dańǵylyna deıingi jol bóliginde eki qozǵalys jolaǵy da jabylady», - dep jazdy «Almaty marafony» baspasóz qyzmeti.

25 qyrkúıekte myna joldarda qozǵalys shekteledi:

Nazarbaev dańǵylynda Sátbaev kóshesinen ál-Farabı dańǵylyna deıingi jol bóliginde saǵ. 7:00-den 10:40-qa deıin qozǵalys tolyq jabylady.

Ál-Farabı dańǵylynda Nazarbaev dańǵylynan Dostyq dańǵylyna deıingi jol bóliginde shara ótetin kúni saǵ. 7:00-den 8:45-ke deıin qozǵalys tolyq jabylady.

Ál-Farabı dańǵylynda Nazarbaev dańǵylynan Shashkın kóshesine deıingi jol bóliginde saǵ. 7:00-den 11:10-ǵa deıin qozǵalys ishinara jabylady, kósheniń ońtústik jaǵy kólik qozǵalysyna ashyq bolady.

Ál-Farabı dańǵylynda Shashkın kóshesinen Saın kóshesine deıingi jol bóliginde saǵ. 7:00-den 13:30-ǵa deıin qozǵalys ishinara jabylady, kósheniń ońtústik jaǵy kólik qozǵalysyna ashyq bolady.

Saın kóshesinde ál-Farabı dańǵylynan Abaı dańǵylyna deıingi jol bóliginde saǵ. 7:00-den 13:30-ǵa deıin qozǵalys ishinara jabylady, kósheniń batys jaǵy kólik qozǵalysyna ashyq bolady.

Abaı dańǵylynda Saın kóshesinen Baıtursynov kóshesine deıingi jol bóliginde saǵ. 7:00-den 13:00-ge deıin qozǵalys ishinara jabylady, dańǵyldyń soltústik jaǵy kólik qozǵalysyna ashyq bolady.

Baıtursynov kóshesinde Abaı dańǵylynan Sátbaev kóshesine deıingi jol bóliginde saǵ. 7:00-den 14:00-ge deıin qozǵalys tolyq jabylady.

Sátbaev kóshesinde Baızaqov kóshesinen Baıtursynov kóshesine deıingi jol bóliginde saǵ. 7:00-den 10:35-ke deıin qozǵalys tolyq jabylady.

Sátbaev kóshesinde Baıtursynov kóshesinen Jeltoqsan kóshesine deıingi jol bóliginde saǵ. 7:00-den 13:30-ǵa deıin qozǵalys tolyq jabylady.

Baızaqov kóshesinde Tımırázev kóshesinen Sátbaev kóshesine deıingi jol bóliginde saǵ. 7:00-den 10:35-ke deıin qozǵalys tolyq jabylady.

Tımırázev kóshesinde Shashkın kóshesinen Baızaqov kóshesine deıingi jol bóliginde saǵ. 7:00-den 10:35-ke deıin qozǵalys tolyq jabylady.

Shashkın kóshesinde ál-Farabı dańǵylynan Tımırázev kóshesine deıingi jol bóliginde saǵ. 7:00-den 10:35-ke deıin qozǵalys tolyq jabylady.

Sonymen qatar uıymdastyrý komıteti Respýblıka alańyna avtokólikpen jetý baǵytyn usyndy:

1. Jeltoqsan kóshesiniń boıymen ońtústikke qaraı Sátbaev kóshesine deıin


2. Sátbaev kóshesiniń boıymen batysqa qaraı Nazarbaev dańǵylyna deıin


3. Nazarbaev dańǵylynyń boıymen ońtústikke qaraı Sátbaev kóshesine deıin


4. Ál-Farabı dańǵylynyń ońtústik jaǵymen Nurly Taýǵa deıin kólikpen jetip, Alańǵa deıin jaıaý barý


5. Abaı dańǵylynyń boıymen batysqa qaraı Jeltoqsan kóshesine deıin


6. Shevchenko jáne Qurmanǵazy kósheleriniń boıymen Jeltoqsan kóshesine deıin


7. Metromen «Abaı» stansıasyna deıin