Búgin olarǵa kýálik pen tósbelgi tabystaldy.
QR Ortalyq saılaý komısıasy 2023 jylǵy 19 naýryzda saılanǵan Qazaqstan Respýblıkasy Parlamenti Májilisi depýtattaryn tirkedi, dep habarlaıdy Almaty-akshamy.kz
"Parlament depýtatynyń ókilettigi Ortalyq saılaý komısıasy Parlament depýtaty retinde tirkegen kezden bastalady. "Saılaý týraly" konstıtýsıalyq zańnyń normalaryna sáıkes, óz ókilettikterine sáıkes OSK VIII saılanymnyń Parlament Májilisiniń depýtattaryna tıisti sheshimderiniń jobalaryn ázirledi, ol aldyn ala pysyqtalǵan da bolatyn", - dedi OSK tóraǵasy Nurlan Ábdirov.
OSK hatshysy Muhtar Erman 6 partıanyń qujattary 27-28 naýryzda OSK-ǵa usynylǵanyn málimdedi.
"Zańǵa sáıkes, OSK saılanǵan Májilis depýtattaryn tirkeıdi. "Saılaý týraly" konstıtýsıalyq zańda OSK jańadan saılanǵan Májilis depýttaryna kýálikterin tabystap, omyraýǵa taǵylatyn belgiler tapsyrý kózdelgen. VIII saılanymnyń depýtattaryn tirkeı jáne bir mandatty okrýgterden saılanǵandarǵa OSK-nyń qaýlylar jobalary daıyndaldy", - dedi M.Erman.