Saıysqa jasóspirimder men jastar qatysady.
7-9 sáýir kúnderi Almaty qalasyndaǵy Balýan Sholaq atyndaǵy sport saraıynda Beket Mahmutovty eske alýǵa arnalǵan dzúdodan jasóspirimder men jastar arasynda Azıa kýbogi ótedi, dep habarlaıdy Almaty-akshamy.kz
Halyqaralyq dzúdo federasıasynyń kúntizbesine sáıkes ótkizilgeli otyrǵan jarysqa 2006-2007 jyldary dúnıege kelgen jasóspirimder men 2003-2005 jyldary týǵan jas tatamı sheberleri qatysady.
Qazaqstan dzúdo federasıasynyń baspasóz qyzmetinen málim etkenindeı, IJF erejesine sáıkes Azıa kýboginiń jeńimpazdary men júldegerlerine reıtıńilik upaı qosylady.
Jarys jeńimpazdaryna 100, kúmis júldegerge 60, qola júldegerge 40 upaıdan beriledi.
Bıyl altynshy ret uıymdastyrylyp otyrǵan Azıa kýbogine Qazaqstan, Ózbekstan, Tájikstan, Qyrǵyzstan, Mońǵolıa, Gonkong, Túrkimenstan, Grekıa, Grýzıa jáne AQSH-tan barlyǵy 400-den astam dzúdoshy qatysady dep josparlanǵan.
Beket Sapabekuly Mahmutov 2009-2012 jyldar aralyǵynda Qazaqstan dzúdo federasıasynyń prezıdenti, sondaı-aq, Azıa dzúdo odaǵynyń vıse-prezıdenti qyzmetin atqarǵan.
Dzúdodan Beket Mahmutov atyndaǵy týrnır 2017 jyldan beri Almaty qalasynda dástúrli túrde ótkizilip keledi.
Dzúdodan jastar men jasóspirimder arasyndaǵy Azıa kýboginiń jarys kestesi mynadaı:
7 sáýir
Jasóspirimder
Jarys saǵat 10.00-de bastalady.
Fınaldyq beldesýler – 17.00.
Uldar: -50 kg, -55 kg, -60 kg, -66 kg, -73 kg
Qyzdar: -40 kg, -44 kg, - 48 kg, - 52 kg, -57 kg
8 sáýir
Jarystyń bastalýy – 10.00.
Fınaldyq beldesýler – 17.00.
Jasóspirimder
Uldar: -81 kg, -90 kg, -100 kg +100 kg;
Qyzdar: -63 kg, -70 kg, -78 kg, +78 kg;
Jastar
Uldar: -60 kg, -66 kg;
Qyzdar: -48 kg, -52 kg;
9 sáýir
Jastar
Jarystyń bastalýy – 10:00
Fınaldyq beldesýler – 17:00
Jastar: -73 kg, -81 kg, -90 kg, -100 kg, +100 kg;
Jasóspirimder: -57 kg, -63 kg, -70 kg, -78 kg, +78 kg.