Týrıser Almatyny ne úshin tańdaıdy?
Osyny anyqtaý úshin 1200 sheteldik týrıske saýalnama júrgizý josparlanýda, dep habarlaıdy Almaty-akshamy.kz Ulysmedia.kz-ke silteme jasap.
Bul jóninde memlekettik satyp alýlar portalynda jarıalanǵan habarlandyrýdan belgili boldy.
"Tapsyrys berýshi – "Almaty qalasynyń týrısik aqparattyq ortalyǵy" jaýapkershiligi shekteýli seriktestigi, sıpattamasy – "Týrısiń portreti" zertteýi, somasy – 35 mln teńge", – delingen lot habarlandyrý sıpattamasynda.
Visit Almaty – týrısik aqparattyq ortalyq jáne 2017 jyly qurylǵan marketıńtik kompanıa. Ortalyqtyń jarǵylyq kapıtalyna qatysý úlesiniń 100%-y Almaty ákimdigine tıesili.
Visit Almaty kompanıasynyń pikirinshe, koronavırýs, pandemıa jáne geosaıası ózgerister Almatyda týrızmniń damýyna áser etýdi jalǵastyrýda, sondyqtan saýalnama, suhbat jáne qoldanystaǵy statısıkalyq derekterdi taldaý negizinde sheteldik týrısiń profılin anyqtaý qajet.
Kompanıa týrıser nege Almatyny tańdaıtynyn, ońtústik astanada qaıda jáne qalaı demalǵandy unatatynyn anyqtaýǵa nıetti.
35 mln teńgege qazirgi jaǵdaıdy zerdeleý, álemdik tájirıbelerdi taldaý, halyqaralyq uıymdardyń ádisnamalaryna sholý jáne taldaý, tanymal týrısik oryndarda keminde 1200 sheteldik týrıske saýalnama júrgizý josparlanýda.
Tehnıkalyq sıpattamaǵa sáıkes qyzmet kórsetý merzimi – 2023 jyldyń sońyna deıin. Kompanıa túsken ótinimderdi qarap jatqanǵa uqsaıdy.