Partıalyq tizimde 18 úmitker bar.
OSK «Baıtaq» partıasynan Májilis saılaýyna qatysatyn kandıdattardyń tizimin tirkedi, dep habarlaıdy Almaty-akshamy.kz
"Baıtaq" jasyldar partıasy 18 adamnan turatyn partıalyq tizimdi usyndy. Onyń ishinde 7 kandıdat – áıelder, jastar men múgedekter. Bul tizimdegi kandıdattardyń jalpy sanynyń 38,9%-yn quraıdy. OSK ýákiletti memlekettik organdarmen birlesip, Májilis depýtattary bolyp saılaný úshin tizimge engizilgen tulǵalardyń sáıkestigine tekserý júrgizdi. Partıalyq tizimdegi barlyq adam Konstıtýsıa men "Saılaý týraly" Konstıtýsıalyq zańnyń talaptaryna sáıkes keledi", - dedi Ortalyq saılaý komısıasynyń múshesi Sábıla Mustafına.
OSK músheleri tıisti qaýly qabyldady.
Sábıla Mustafına partıa tizimge engizilgen árbir kandıdattyń saılaý jarnasyn tóleıtinin atap ótti. Onyń mólsheri – 1 mln 50 myń teńge. Parlament Májilisi depýtattarynyń aldyńǵy saılaýynda daýys berýshilerdiń 5% jáne odan da kóp daýysyn jınaǵan saıası partıalar saılaý jarnasyn tólemeıdi.
"2021 jylǵy qańtarda Parlament Májilisi depýtattarynyń saılaýyna "Baıtaq" partıasy qatyspady. Sol sebepti bul partıa partıalyq tizimge engizilgen 18 úmitker úshin 18 mln 900 myń teńge kóleminde saılaý jarnasyn tóledi", - dep qorytyndylady spıker.