Májilis pen máslıhat saılaýy kezinde «BAQYLA» qozǵalysy 3 myńǵa jýyq ýchaskeni baqylaıdy.
«BAQYLA» qoǵamdyq qozǵalysy elimizde 2023 jyldyń 19 naýryzynda ótetin QR Parlamenti Májilisi men maslıhattar saılaýynda elishilik turaqtylyq pen saılaý prosedýralarynyń qatań saqtalýyn qamtamasyz etý úshin saılaý ýchaskelerin qamtıtyn óńirlik shtabtarda baqylaýshylyq jasaıdy. Bul týraly Qazaqstan baspasóz klýbynda ótken brıfıńte belgili boldy, dep habarlaıdy Almaty-akshamy.kz Azattyq Ruhy-na silteme jasap.
Aýmaqtyq baqylaýshylar jelisi jumysy Almaty qalasyndaǵy Ortalyq shtab pen elimizdiń 17 qalasynda ornalasqan óńirlik shtabtar arqyly júrgiziledi. Azamattyq sektor men ÚEU jelilerinen baqylaýshylar tartý kózdelip otyr eken. Baqylaý jelileriniń basshylary men óńirlik úılestirýshilerine saılaý prosesin baqylaý teorıasy men praktıkasy boıynsha arnaıy kýrstar uıymdastyrylady. Oqytý ZOOM konferensıasy jáne offlaın kezdesýler arqyly júrgiziledi.
«Saılaýdy baqylaý saılaý ýchaskesindegi bir kúndik áreketpen shektelmeıdi. Azamattar saılaýdy baqylaýǵa qatysý arqyly azamattyq-saıası kózqarasyn qalyptastyrady, qazaq elindegi saılaý júıesin ózgertýge de úles qosady», - dedi saıasatker, oqytýshy Dos Kóshim.
Aıta keteıik, oqytýshylar ár óńirden birneshe adamdy Almaty qalasynda oflaın formatynda da oqytady. Ary qaraı olar óz aımaǵynda baqylaýshy bolatyn azamattarǵa úıretedi. Qazir atalǵan qozǵalys arqyly baqylaıtyn úkimettik emes uıymdar attestasıadan ótip jatyr.
Saılaý kúni ortalyq shtab elimizdegi saılaý ýchaskelerindegi jaǵdaıdy baıandap, saǵat saıyn brıfıńter ótkizedi, óńirlerden onlaın translásıalar uıymdastyrady, áleýmettik jelilerde posttar men beınejazbalardy jarıalaıdy jáne tırajdaıdy, jalǵan aqparattardy anyqtaıdy, erekshe jaǵdaılarǵa túsinikteme beredi.