Tirkeý talaptaryna saı kelmeıtin kandıdattardyń arasynda zań buzǵandar da boldy.
Ortalyq saılaý komıssásy tóraǵasynyń orynbasary Konstantın Petrov aldaǵy Májilis saılaýyna usynylǵan neshe adamnyń tirkeýden ótpeı qalǵany týraly málimet berdi, dep habarlaıdy Almaty-akshamy.kz
«Aýmaqtyq saılaý komısıalary usynǵan málimetter negizinde kandıdatty usynǵannan keıin tirkeý kezeńi aıaqtalǵanǵa deıin 45 kandıdat kandıdatýrasyn óz qalaýymen alyp tastaý týraly ótinish jazǵan. Komısıalar olardy berilgen ótinish negizinde tirkeýge almady. 125 kandıdatttyń tirkeý týraly ótinishi keri qaıtaryldy. Onyń ishinde bir kandıdat QR Konstıtýsıasy men «Saılaý týraly» Konstıtýsıalyq zańynyń Qazaqstan Respýblıkasynyń aýmaǵynda keıingi 10 jyl kóleminde turý qajettigi jónindegi talapqa sáıkes kelmegeni úshin tirkeýden ótpedi», - dedi OSK tóraǵasynyń orynbasary.
Onyń aıtýynsha, birneshe kandıdat Bas prokýratýranyń málimeti negizinde tirkeýge alynbaǵan.
«Bas prokýratýranyń málimeti negizinde, 4 kandıdat boıynsha esepten shyǵarylmaǵan jáne ótelmegen sottylyqtyń bolýyna baılanysty, 5 kandıdat boıynsha sot sybaılas jemqorlyq jasaǵany úshin nemese sybaılas jemqorlyq boıynsha zań buzǵany úshin kináli dep tanyǵandyqtan bas tartyldy. Bas prokýratýranyń málimeti boıynsha, osyndaı toǵyz kandıdat bar bolyp shyqty», - dedi ol.
OSK ókiliniń sózine qaraǵanda, tirkeýden bas tartylǵan kandıdattardyń basym kópshiligi qujattardyń tolyq paketin usynbaǵan.
«Jekelep aıtsaq, kandıdattardyń keıbiri saılaý jarnasyn usynbady. Osyny negizge alyp, keshe olardy tirkeýden bas tartyldy. Bir kandıdattyń ótinishi saılaý nasıhatyn zańmen belgilengen merzimnen tys ýaqytta júrgizgeni úshin keri qaıtaryldy. Tirkelip qoıǵannan keıin 4 kandıdattyń tirkeý qujatynyń kúshi joıyldy. Onyń bireýi óz qalaýymen, úsheýi tapsyrǵan deklarasıasyndaǵy málimetterdiń jalǵan bolýyna baılanysty», - dedi Konstantın Petrov.