Vaksınalaý júrgiziletin merzim – 2023-2025 jyldar aralyǵy.
Adam papıllomasy vırýsyna qarsy ekpe mindetti ári josparly vaksınalar tizimine engizilmek. Bul týraly Densaýlyq saqtaý mınıstrigi ázirlegen Úkimet qaýlysynyń jobasynda jazylǵan, dep habarlaıdy Almaty-akshamy.kz
«Medısınalyq kómektiń kepildik berilgen kólemi sheńberinde mindetti profılaktıkalyq ekpeler júrgiziletin aýrýlardyń tizbesinde adam papıllomasy vırýsy aýrýyna qarsy ekpesi engizilsin», - delingen Úkimet qaýlysynda.
Qujat 3 naýryzǵa deıin kópshilik talqylaýda bolady.
Elimizde 11 jastaǵy qyzdarǵa adam papıllomasy vırýsyna qarsy vaksına salý josparlanyp otyr. Ekpemen nysanaly toptyń keminde 95%-y qamtylady. Vaksınalaý júrgiziletin merzim – 2023-2025 jyldar aralyǵy.