Almatylyq dárigerler Qyzylordadaǵy jarylystan zardap shekken balalardy aman alyp qaldy
Qyrkúıektiń 11-inde Almaty qalasy Balalar jedel medısınalyq kómek kórsetý ortalyǵynan Qyzylordada 2024 jylǵy shildeniń 28-inde bolǵan órtten zardap shekken eki jasóspirim úıge shyǵaryldy.
Esterińizge sala keteıik, 31 shilde men 1 tamyzda jaǵdaıy óte aýyr tórt zardap shekken jasóspirim sanıtarlyq avıasıamen shuǵyl túrde Almatyǵa jetkizildi.
Jasóspirimder 28.07.2024 j. jeke úıdiń birinde bolǵan tabıǵı gaz jarylysynan qatty kúıik alǵan. Alǵashqy kezeńde zardap shekkender Qyzylorda qalasy Oblystyq balalar aýrýhanasynyń reantmasıa jáne qarqyndy terapıa bólimine jatqyzylǵan. Olardyń ómiri asa aýyr jaǵdaıda bolǵan soń Almaty qalasy Qoǵamdyq densaýlyq saqtaý basqarmasy jáne BJMKKO dırektory A.M.Smaǵulovpen kelise otyryp, 31 shilde jáne 1 tamyzda olar sanıtarlyq avıasıamen Almaty qalasy SHJQ «Balalar jedel medısınalyq kómek kórsetý ortalyǵy» KMK-ǵa jetkizildi.
Búgin, emdelýdiń 42-kúni, eki naýqas, 14 jastaǵy ul men qyz, aýrýhanadan úıge shyǵaryldy. Qazirgi kezeńde olardyń emdelýi tolyǵymen aıaqtalyp, jaǵdaıy jaqsaryp, olar úıine Qyzylordaǵa attanady.
«Ortalyqtyń reanımatologtary eki apta boıy jansaqtaý bólimi jaǵdaıynda ul balanyń ómiri úshin kúresti, onyń jaǵdaıyn turaqtandyrý úshin táýlik boıy qarqyndy shokqa qarsy terapıa júrgizildi, sodan keıin naýqas mamandandyrylǵan kúıik bólimine aýystyryldy. Órt kezinde jasóspirim 79%/IIIAB-IV dárejeli termıalyq kúıik alǵan jáne II-III dárejeli kúıiktik shok shalǵan», - deıdi Almaty qalasy Balalar shuǵyl medısınalyq kómek kórsetý ortalyǵy dırektorynyń orynbasary Dinmuhammed Rýzýddınov.
Jasóspirimder bir ushaqta jetkizildi, qyz bala 31 shildede Almaty qalasy Balalar jedel medısınalyq járdem ortalyǵyna jatqyzyldy. Ol 9 kún jansaqtaý bóliminde jatyp, dárigerler kúıik aýrýymen táýlik boıy kúresken. Jaǵdaıdy turaqtandyrý úshin shokqa qarsy qarqyndy terapıa da júrgizildi. Naýqasqa 55%IIIABBi termıalyq kúıik, II-III dárejeli kúıiktik shok dıagnozy qoıyldy.
Eki pasıentke de Ortalyqtyń kombýstıologtary Radja Jumadildaev pen Gúlsharat Júsipqalıeva terini aýystyryp ornalastyrý (aýtodermoplastıka) otasyn jasady.
«Balalar shuǵyl medısınalyq kómek kórsetý ortalyǵynda bolǵan ýaqytta olarǵa jeke dárigerlik post qamtamasyz etildi. Búginde eki naýqastyń jaǵdaıy qanaǵattanarlyq dep baǵalanady, otadan keıingi kezeń asqynýsyz ótti, transplantattar tolyǵymen tamyr tartty. Endi balalar turǵylyqty jerinde baqylanady, olarǵa kútim jasaý jáne odan ári ońaltý boıynsha barlyq usynys berildi», - deıdi Balalar shuǵyl medısınalyq kómek kórsetý ortalyǵynyń kúıik bóliminiń meńgerýshisi, Almaty qalasynyń bas shtattan tys balalar kombýstıology Radja Jumadildaev.
Ortalyqtyń habarlaýynsha, Qyzylordada tabıǵı gaz jarylysynan zardap shekken taǵy eki naýqas aýrýhanada áli de em alyp jatyr. Dárigerler olardyń jaǵdaıyn turaqty aýyr dep baǵalap otyr. Jasóspirimderdiń birine kezeńdik aýtodermoplastıka otasyn jasaý josparlanǵan.