Budan buryn bir úıdiń 5 balasy órtten kóz jumǵanyn habarlaǵanbyz.
Bala quqyqtary jónindegi ýákil Dınara Zákıeva Jitiqaradaǵy tragedıaǵa qatysty málimdeme jasady, dep habarlaıdy aqshamnews.kz
Qostanaı oblysy Jitiqara qalasynda órtten qaza tapqan balalardyń jaqyndaryna psıhologıalyq kómek kórsetiledi.
"Órt sóndirýshiler órtti tańǵy saǵat 06:08-de sóndirgen. Tilsiz jaý bastalǵanda úıde 2011, 2016, 2018, 2019, 2022, 2023 jyly týǵan alty bala ata-anasynyń qaraýynsyz otyrǵan. Aldyn ala málimet boıynsha, balalardyń anasy keshke tanysynyń úıine ketken, al jubaıy jazasyn óteý mekemesinde. Óńirlik ýákil oqıǵa ornynda. Psıhologtar balalardyń týystaryna qajetti psıhologıalyq kómekti kórsetip jatyr. Ata-ana men jaqyndaryna kóńil aıtamyn", - dep jazdy Dınara Zákıeva.
Oblys prokýratýrasy qaıtys bolǵan balalardyń týystary men jaqyndaryna kóńil aıtady. Bul faktige qatysty sotqa deıingi tergeý bastaldy, órttiń aldyn ala sebebi – peshti qaraýsyz qaldyrý. Oqıǵa ornyna oblys prokýrorynyń birinshi orynbasary B.A. Bekbosynov bardy. Sotqa deıingi tergep-tekserý barysy Qazaqstannyń bas prokýrorynyń baqylaýyna alyndy, - dep málimdedi oblys prokýratýrasynan.