Nurlan Nyǵmatýlınniń ótinish berýine baılanysty.
QR Ortalyq saılaý komısıasy Parlament Májilisine Nurlan Nyǵmatýlınniń ókilettigin toqtatý týraly usynys engizdi, dep habarlaıdy Almaty-akshamy.kz OSK saıtyna silteme jasap.
Qazaqstan Respýblıkasy Parlamenti Májilisiniń depýtaty N.Z. Nyǵmatýlınniń ókilettigin toqtatýǵa ákeletin negizdiń týyndaǵany týraly
Qazaqstan Respýblıkasy Konstıtýsıasynyń 52-babyna, «Qazaqstan Respýblıkasynyń Parlamenti jáne onyń depýtattarynyń mártebesi týraly» 1995 jylǵy 16 qazandaǵy Qazaqstan Respýblıkasy Konstıtýsıalyq Zańynyń 24-baby 3 jáne 8-tarmaqtaryna sáıkes Qazaqstan Respýblıkasynyń Ortalyq saılaý komısıasy QAÝLY ETEDİ:
- Qazaqstan Respýblıkasy Parlamenti Májilisiniń depýtaty Nurlan Zaırollauly Nyǵmatýlınniń ótinish berýine baılanysty onyń ókilettigin merziminen buryn toqtatýǵa ákeletin negiz týyndady dep belgilensin.
- Qazaqstan Respýblıkasy Parlamenti Májilisiniń depýtaty N.Z. Nyǵmatýlınniń ókilettigin merziminen buryn toqtatý týraly usynym Qazaqstan Respýblıkasy Parlamentiniń Májilisine engizilsin.
Qazaqstan Respýblıkasy Ortalyq saılaý komısıasynyń Tóraǵasy N. Ábdirov
Qazaqstan Respýblıkasy Ortalyq saılaý komısıasynyń hatshysy A. Shegorsova
Nur-Sultan qalasy, 2022 jylǵy 1 aqpan, № 8/444