QR Indýstrıa jáne ınfraqurylymdyq damý mınıstri Qaıyrbek Óskenbaev Úkimet otyrysynda turǵyn úı jaldaý sýbsıdıasyna kimder ótinish bere alatynyn túsindirdi, dep habarlaıdy Almaty-akshamy.kz QazAqparatqa silteme jasap.
Onyń aıtýynsha, ótinish berýshige qoıylatyn negizgi talaptar mynalar:
1) Qazaqstan Respýblıkasynyń azamattyǵy;
2) otbasynyń jıyntyq tabysynyń sońǵy 6 aıda otbasynyń árbir múshesine eń tómengi kúnkóris deńgeıiniń 1 eselengen shamasynan aspaıtyn bolýy;
3) turǵyn úıge muqtaj retinde ákimdikte kezekke qoıylǵanyn rastaý;
4) turǵyn úı ıesi men ótinish berýshi arasynda jasalǵan sharttyń bolýy.
Tólemderdi taǵaıyndaý úshin ótinish berýshi bankke ESQ arqyly:
1) tólemder taǵaıyndaýǵa ótinish;
2) turǵyn úıdi jaldaý shartyn qosa beredi.
«Qalǵan quqyq belgileıtin qujattar tıisti aqparattyq júıelerden alynatyn bolady. Otbasy bank usynylǵan qujattardyń sáıkestigin qaraıdy jáne tekseredi, rastalǵan jaǵdaıda, 10 jumys kúni ishinde jaldaý tólemderin aýdarady», - dedi Qaıyrbek Óskenbaev.