Úsh oblystyń Senat depýtattary tirkeldi.
Jazdyń sońǵy kúni Ortalyq saılaý komısıasy Senattyń jańa depýtattaryn tirkedi, dep habarlaıdy Almaty-akshamy.kz.
2022 jylǵy 31 tamyzda Nurlan Ábdirovtiń tóraǵalyǵymen Abaı, Jetisý jáne Ulytaý oblystarynan 2022 jylǵy 24 tamyzda saılanǵan Qazaqstan Respýblıkasy Parlamenti Senatynyń depýtattaryn tirkeý máselesi boıynsha Ortalyq saılaý komısıasynyń otyrysy ótti.
Otyrysqa Parlament Senatyna saılanǵan depýtattar jáne beınekonferensıa baılanysy rejıminde Abaı, Jetisý jáne Ulytaý oblystarynyń aýmaqtyq saılaý komısıalary qatysty, dep habarlaıdy QazAqparat QR Ortalyq saılaý komısıasynyń baspasóz qyzmetine silteme jasap.
Ortalyq saılaý komısıasynyń tóraǵasy Nurlan Ábdirov otyrysty asha otyryp, «Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasynyń Konstıtýsıalyq zańyna sáıkes, Parlament depýtatynyń ókilettigi ony Ortalyq saılaý komısıasy Parlament depýtaty retinde tirkegen kezden bastalatynyn atap ótti.